RIHA - Nobeta Edaletî ya Emîne û Ferît Şenyaşare verê Edliyeyê Rihayî de roja 638ine de ya.

 

Çalakîya Nobeta Edaletî ya Keyeyê Şenyaşarî 9ê adara 2021ine de verê Edliyeyê Rihayî de daya destpêkerdiş roja 638ine de dewam kena. Emîne Şenyaşare, seba nêweşîyanê xo nêeşkena bêra tewrê nobete biba. Lajê aye Ferît Şenyaşar zî seba edliyeyî pankartê “Keyeyê Şenyaşarî rê edalet” akerd û çalakîya xo ya nobete domna.

 

Nobeta Edaletî ya Keyeyê Şenyaşarî roja 638ine de ya

 

Keyeyî serê hesabê xo yê medyaya dîjîtale de nê mesajî pare kerd: “Averşîyayîş û rêzdarîya welatêkê bi huqûq û edaletî yeno mîqyaskerdiş. Eke welatêk de edalet çinbo uca de tena kesê îdarekar nê, her kes sûcdar o. Bi 638 rojî yo ma verê berê edliye de paweyê ke dewleta huqûqî çîyêk lazim bikero.”