Şehrîban Aslan

 

MÊRDÎN - Îdîanameyê Pakîstan Demîra ke hetê Mehmet Emîn Oner ra ameye qetilkerdiş, ame amadekerdiş. Dozgerî, derheqê kiryarê Pakîstane de nê ercnayîşî kerd: “Bi hîsêkê cinawirî û bi îşkence kiştişî çin o.”

 

16ê êlule de cinîya bi nameyê Pakîstan Demîra 34 serrî ke çolterê taxa Zenganî yê qezaya Kerboranê Mêrdînî de hetê camêrdan bi nameyê Mehmet Emîn Oner ra bi hacetê birnayîşî amebî qetilkerdiş. Kerdox 17ê êlule de ame tepiştiş û şirawitî zîndan. Cipersayîşê ke derheqê Mehmet Emîn Onerî de amebi destpêkerdiş, hetê Serdozgerîya Komara Mîdyatî de bi sûcê “Kiştişê cinî û bi zanayîş kiştişê cinî” îdîaname ame amadekerdiş. Îdîanameyê ke ame amadekerdiş hetê Dadgeha Cezaya Giran ya Mîdyatî ra ame qebûlkerdiş. Yewin roniştişê dewa do 22yê kanûne de bêro vînayîş.

 

Îfadeyê kerdoxî de îdianameyî de ame vînayîş ke qetilkerdişê Pakîstane seba laçika xo sereyê xo ra veta û no sey sebebê kiştişî ameyo weşanayîşş. Dimayê serebûtê ke ame ciwîyayîş, çarçewaya cipersayîşê Serdozgerîya Komara Kerboranî de ame mojnayîş ke netîceyê otopsîyê ke Pakîstane ame kerdiş de raporê 17ê êlule de bedenê mexdûre de xeylêk birînî estê. 

 

Dewamê cipersayîşî de nê çî ca gênê:

 

“Kiştişê cinî û cinîye bi zanebîyayîşî... Kiştoxo ke pawitişê xo de qalê hisûsê ke kerdo, çîyê ke ey tehrîk bikero nîyo û bibo sebeb ke cinîya xo kardî bikero… Seba nê sebebî ame ercnayîş ke binê tahrîqê bêheq de tênêgêrayo; dîyar beno ke serebût hetê cayê ke qewimyayo de serebût nêşka va ra yo. Hûmara kardan û birnayîşê kiştişî, bi sebebê awankerdişê sûcê kiştişî yo. Rewşa somutî de çarçewaya madeyê 82/1-a yê TCKyî de bi plankerde kiştiş… Çarçewaya madeyê 82/1-b yê TCKyî de yeno ercnayîş ke bi hîsêk cinawirî yan zî bi îşkence kiştiş çin o...

 

Goreyê qerarê mehkemaya şima ke delîlî aîdê mehkemaya şima yî, şikin goreyê madeyê sewqî yê çalakîyan muhakemekerdişê şikin bêro kerdiş

 

Qerarê dewamkerdişê rewşa tepiştişî yê kerdoxî ame dayîş

 

Zabitê tespîtî yê mehkema de zî no qerar ame dayîş: “Goreyê cewherê sucî ke versuc yeno sucdarkerdiş, rewşa delîlê bîyaye, raporê cigêrayîşê mergî, otopsî û cigêrayîşê cayê qewimîyayîşî û pêroyê dosya û raştîyê şêberî estî ke bîyayîşê şikêk xurt mojneno ke Mehmet Emîn Oner bi qestî cinîya xo kişto, suc kerdo… Suco ke bi versuc yeno kerdiş sucê katalogî yo ke nuqtaya 100. ya CMKyî de ca girewta û heta nika delîl nêameyî berardiş… Sînorê corîn û cêrîn, no qonaxî de hukmê kontrolkerdişê edlî fêdê nêkenî û tedbîrê girewtişê corî yî, bende 100 û zêdêr yê CMKyî de dewamê tepiştişê kerdoxî reyde”

 

Her çend ke nêweşîya psîkolojî nêba zî rapor ame waştiş

 

Dosya de nuqtaya tewr muhîm zî no yo ke verê muhakemekerdişî sucdar tu waştişêk nêkerdo zî mehkema Serwîsê Psîkîyatrîyê Edlî yê Asayîşo Berzî yê Nêweşxaneyê Bajarî yê Fethî Sekînî yê Elezîzî ra rapor waşto ke rewşa psîkolojî yê kerdoxî baş o ya nê.