RIHA - Keyeyê Şenyaşarî çalakîya xo ya Nobeta Edaletî roja 641ine de Fuarê Kitaban de dewam kerd.

 

Qezaya Pirsûsî ya Rihayî de 14ê Hezîrana 2018ine de pawitox û merdimê parlementerê AKPyî Îbrahîm Halîl Yildiz mêrde û di lajê Emîne Şenyaşar qetil kerdibî. Emîne Şenyaşar pêwa lajê xo yê Ferît Şenyaşaro ke hêriş de birîndar bîbî, 9ê Adara 2021ine de vernîya Edliyeyê Rihayî de dest bi Nobeta Edaletî kerdibî. Nobeta keyeyî roja 641ine de dewam kena. Keyeyî nobeta xo ya edaletî Fûarê Kitaban ê Rihayî yê 5ine de dewam kerd.

 

Alî Orûç serê hîkayeya keyeyî de bi nameyê ‘Edalet’ nuştibi. Pankartê ‘Seba keyeyê Şenyaşarî edalet’ standê kitaban de ame ronayîş. Ferît Şenyaşar tîya de qisey kerd û vat: “Seba ke parlementerêk partîya îqtîdarî nê qetlîamî kerdo, muhakemeyêkê adilane bi ca nêame. 2 serrî yo edalet bi ca nêame, ma edalet wazenê. Ewro zî ma kitabê seba ‘Edalet’î Fûarê Kitaban ê Rihayî de yê. Ma do her ca de qalê nê bêedaletî bikerê.”