MERKEZÊ XEBERAN - 24 senatoranê Senatoyê Fransa seba protestokerdişê hêrişanê dewleta tirke yê vera Rojawanî û hêrişanê kîmyewîyan ê serê têkoşêrê azadîye bi dowîzan çalakîyêke kerde.

 

24 senatoranê Senatoyê Fransa seba protestokerdişê hêrişanê dewleta tirke yê vera Rojawanî û hêrişanê kîmyewîyan ê serê şarê kurdî de bi dowîzan çalakîyêke kerde.

 

Wekîlan dowîzê bi nuşteyê 'Çekê kîmyewîyî; Bi lez û bezî dest pê cigêrayîşî bikerê', 'Erdoganî vindarnê', 'Rojawanî rê haştîye' û 'Şarê kurdî rê paştdayîş' akerdî û polîtîkayê şerî yê dewleta tirke protesto kerdî.

 

1ê kanûne de zî çar senatoranê komanê sîyasîyan ê cîyayan Senatoyê Fransa de eşkerayîye daye çapemenîye û hêrişê dewleta tirke yê vera Rojawanî protesto kerdî. Heman eşkerayîya çapemenîye de senatoran pê hesna ke menga çeleyî de heyetêkî bişawê herême.

 

Aşma temmuze zî bi rayberîya Senator Laûrence Cohen wareyê hewayî yê Vakur û Rojhelatê Sûrîye pernayîşî rê bêro qedexekerdiş, bi îmzayê 102 senatoran metnekê vengdayîşî weşêna.