MERKEZÊ XEBERAN - Têkilîya Weqfê Hîranur û îqtîdarî yê bi cemaet û tarîkatan reyde yena munaqaşakerdiş û Abdullah Ocalan bi serran verê cû pêvînayîşê xo yê avûkatan reyde qetilkerdişê Medîne Memî ke bi ganî ganî ameye binerdkerdiş û sewbîna zîhnîyetê îqtîdarî yê seba cinîyan tehlukeyêk senî yo, ercnabî.

 

Stenbol de ronayoxê Weqfê Hîranurî yo ke pabeseyê Cemaatê Îsmaîlogluyî yo, Yusuf Zîya Gumuşluyî kênaya xo H.K.G.ye ya 6 serrî binê nameyê ‘zewajî’ de da murîdê xo Kadîr Îsteklîyî û H.K.G.ye bi serran raştê tecawuz û îstîsmarî yê sîstematîk ameye. Bado ke rewşe vejîya raşte derheqê Yusuf Zîya Gumuşlu û Kadîr Îsteklîyî de îdîaname ame hadrekerdiş û vizêr Yusuf Zîya Gumuşlu û Kadîr Îsteklîyî ameyî tepiştiş. Badê gerreyê H.K.G.ye hedîse vejîya raşte û reyna hedîseyê tacîz û destdergêyê tarîkat û cemaetan kewt rojeve. Têlikîya AKP ya bi cemaet û tarîkatan reyde yena munaqaşekerdiş. Rayberê PKKyî Abdullah Ocalan bi serran verê cû pêvînayîşê xo yê avûkatan de qetilkerdişê Medîne Memî ya ke serra 2010î de Semsûr de bi ganî ameye binerdkerdiş û qetilkerdiş ercnabî. Ocalan sewbîna derheqê têkilîya îqtîdarîya AKPyî yê bi cemaet û tarîkatan reyde sey tehlukeyêk hemverê cinî û domanan girewtbî dest.

 

Rayberê PKKyî Abdullah Ocalan pêvînayîşê Sibata 2010î de avûkatanê xo rê dîyar kerdbî ke domana 16 serrî bi ganî ameye binerdkerdiş û vatbî tarîkatê Menzîlî Semsûr de xebatanê girdan rayra beno.

 

‘Ez serê esasê rêzdarîya hemverê cinîye de nizdî bena’

 

Abdullah Ocalan bale ant têkilîya cinî û camêrdî ser o û wina vat: “Têkilîya cinî û camêrdî de nuştoxêk zî dîyar keno-Cinî teslîmê camêrdî bena yan zî camêrd teslîmê cinî beno? No çî bêşik yeno munaqaşakerdiş, goreyê mi roja ewro de wirdî zî teslîmê yewbînan bîyî. Ganî têkilîya cinî-camêrdî baş bêro fehmkerdiş. Kam ci esasî de ser de bi cinîyêk reyde yenê têkişt muhîm o. Ez ameya nê emrî hema zî fikirîyena ke ganî kam ci esasî ser de cinîyêk reyde senî bêro têkişt, bi cinîyêk reyde bêra têkiş senî çi qisey bikera, kam ci babete qisey bikera. Slovaj Zîzek vano ‘Çîyo tewr zêde mi kelecan keno cinîya ke mi ra biaqila reyde qiseykerdişê felsefî yo.’ Ganî cinî reyde dîyalogêk esasê dîyarkerde de bêro awankerdiş. Bi zindîbîyayîşê raşt, yanî babeta ke ameyî têkişt ya cinî û camêrdî de ez nê çîyî rê vana ke ziwanê awanbîyayîşê global. Yanî ez vana terzê awanbîyayîşê globalî. Ez wina têkilîya cinî û camêrdî ewnîyena. No terzê têkilîye, eke esasê azadîye de bo bidestfînayîş do bireso lutkeyan. Ez esasê rêzdarîya hemverê cinî nizdî bena. Eke cinîyî ewro hende mi taqîp kenê, o wext aseno ke mi tay hetê înan kifş kerdo. Ez xeylê ercî dana cinî. Ganî cinî azadîya xo bipawa. Ez ercî dana nê. Ganî cinî her hetî ra azadîya xo aver biba. Ganî xo babete de tesîr bikera. Ez wazena nimuneyêk bida. Cinîyêk bi nameyê Hypatîa ya Îskenderîyeyî Badê Îsayî Ver 415ine de hetê Xiristîyanê ewil yê demî de fikranê xo vera mehkumê mergî yena kerdiş. Cinîye rê vanê ke ‘Ti hemverê qanûnanê ma de werişta’. Cinî hemverê şîdetê înan de bi felsefe cewab dana. Her ke ê hêriş kenî cinî xo felsefî kenî, bi felsefe xo pawena. Felsefa xo ronena raşte. Cinîye dormeyê xo rê vana ke ‘Şima bi şîdet nizdîyê mi benî, Şima di esasê cînsî de nizdîyê mi benî, ez qebul nêkena.’ Dima ra cinî pê kerrayan yena kiştiş. Ez zî vana ke ganî cinî seba azadîya xo, xo wina bipawa.”

 

‘Ya ke ameya binerdkerdiş cinî ya, merdimîye ya’ 

 

Abdullah Ocalan dewamê ercnayîşanê xo de nê çîyan ano ziwan ser: “Semsûr de domanêk kêna ganî ameye binerdkerdiş! Her eştî ganî ser. Ya ke ameya binerdkerdiş cinî ya, cinîtî ya, heme merdimîye yo. Binerdkerdişê kesêk binerdkerdişê mîlyonêk kesî yo. Ti cîyaye mabenê înan de çinî yo.”

 

‘Zîhnîyetê AKPyî zaf tehluke yo’

 

Abdullah Ocalan eynî pêvînayîşî de dîyar keno ke zîhnîyetê AKPyî xeylê tehluke yo û qiseykerdişê xo wina dewam keno: “Zîhnîyetê AKPyî xeylê tehluke yo. Tehluke tena seba Kurdan nîyo. AKP seba cinîyan tehlukeyêk gird o. Beno ke cinîyî nika bêrî rewşa ke hurdîyê azadîye bigêrî. Semsûr de terîkatê Menzîlî bi tesîr î. Tîya de domanêk kêna bi ganî yena binerdkerdiş, no zî recmî ra tehlukeyêr o. Zîhnîyetê AKPyî wina yo. Binerdkerdişî de merdim hêdî hêdî herre wenî û mirenî. La recm de merdim qet nêbo boya xo gêno. Reyna rojnameyan de her roj şîdetê serê cinîyan ca gêno. Camêrd raşteyan de şîdet pê ano û vano ke ‘to mi ra hes nêkerd’ û kişeno. Cayêk de zind tira kenî, goş tira kenî û heme zî eşteyê nê zîhnîyetî yî. Seba nê vanê ke ganî esasê felsefeyî de ma nizdî bibî. Ganî xebatê felsefî bêrî kerdiş, bêrî munaqaşakerdiş û bêrî rêxistinkerdiş. Ancax no eşkeno nê zîhnîyetî binderno. Ya zî do netîce wina bo. Azadîya nika bi sînor zî do vînî bibî.”

 

‘Ganî cinî rêxistinbîyayîşê xo dewam bikerî’

 

Abdullah Ocalan bale ant têkilîya ke bi cinîyan re ameya awankerdiş û wina vano: “Cuya mi ya 61 serrî bi têkoşînê hemverê zîhnîyetê namuso sexte de vîyart. Vejîyayîşê mi yê dewe ra zî girêdayeyê nê bî. Ez xeylê serê na babete de fikirîyaya. Ez bawer kena ke mi zîhnîyetê azadîya cinîye vet raşte. Kakilê 61 serrî yê cuya mi zî no yo. Çîyê ke bi kênaya şenike ya Semsûrî ameye kerdiş raşte de yo. Bi qaseyê rêxistinbîyayîşê cinîyan ganî domana kêna zî tede bi perwerdehîya cinîyan eleqedarbîyayîş estbî.”

 

Çareserî akademî yî

 

Abdullah Ocalan bale anceno hişmendîya cinî û wina muhîmîya akademîyan ser û vano: “Ganî cinî her babete de xo rêxistin bikera, bibî wayîrê hişmendî. Mi qala Akademîyê Cinîyan yê Azade kerdbî. Ganî wina peygoş nêro kerdiş. Hunerî ra heta sporî, weşîye ra heta kulturî heta modaye ganî her raşteyî de perwerdehîyêk bibo û no kincan de zî bêro dîyîş. Rojanê verênan de mi xeberêk wend. Êlih de magazayêk yeno akerdiş û Ukrayna ra modelêk-cinî anî. No mi rê zaf huye ame. La cayo ke moda tede yo, Mezopotamyaya ke Êlih zî tedeya ya. Çîyo muhîm no yo ke merdim nê çîyî bivejno raşte. Heta komelbîyayîş çinî bo şexsîbîyayîş zî bi tena serê xo çîyêk îfade nêkeno.”