AMED - DFG û MKGPyî bale ante ser ke 6 mengî yo derheqê 16 rojnamegeranê tepişteyan de yew îdîaname nêameyo amadekerdene û pare kerd ke dewlete sûcî kena.

 

Komeleya Rojnamegeran a Dîcle û Firatî (DFG) û Platformê Rojnamegeran ê Cinîyan ê Mezopotamya (MKGP)  verê Edlîyeya Amedî de seba 16 rojnamegeranê tepişteyan eşkerayîyêke daye.

 

Metnê eşkerayîye hetê vervatoxa DFGyî Dîcle Muftuoglu û ya kurdkî zî hetê muxabîra JINNEWSî Medya Uren ra ameye wendene.

 

‘Oyo ke nîno vurnayîş hedefgirewtişê çapemenîye yo’

 

Medya dîyar kerd ke her partîya yena îqtîdar tena nameyê înan vuryeno û wina vat: “Serra 2022ine reyna bi serra ke rejîmê AKP-MHPyî dişminîyê xo yê hemverê kurdan û çapemenîya kurdan nîşan bido. No bi hawayêkê zelal vejîya werte. Binpaykerdişê heqan hemverê çapemenîya azada ke hûmara ci dîyar nîya, dewam keno. Hukm zî hemverê çapemenîya azade sey metodêkê cezakerdişî yenê şuxulnayîş. 8ê Hezîrane de reyna no adetî ame hedefgirewtiş. Çaçewaya cipersayîşê Serdozgerîya Komare ya Amedî de ci ra 20 rojnamegerî 22 kesî bi sereştişê keyeyan de ameyî destbendkerdiş. Seba zanîbîyayîşê delîlêk sûc o hemverê meslegdaranê ma çin o coka 8 rojî embazê ma destbendkerde mendî. Nêverdayî meslegî xo bikerê. Emniyet hacetê bisereştişî sazgehê destser kerdibî sey "delîlê sûcî" fotografan de mojna. Bi no hewa zî eşkera ke rojnamegerîye hedef ameye girewtene.”

 

‘Seba rojnamegeran azadî’

 

Medya qiseykerdişê xo wina qedêna: ''Îqtîdarê AKP-MHPyî yo ke dişmenîya kurdan û çapemenîya kurdkî keno, 16ê hezîrane de 16 embazê ma tepiştî û sey delîlê sûcî zî karê înan ê rojnamegerîye mojnayî. Nê embazê ma bi îdîaya 'endamîya rêxistine' pê 'fermanî' tepişîyayî ke seba ke binê çapemenîya azade de xebitîyayêne binê fermanê îqtîdarî de ney. 16 embazê ma 6 mengî yo tepişte yê û hema zî derheqê înan de yew îdîaname nêameyo amadekerdene. Çunke werte de sûcêk çin o. Nê embazê ma seba ke rojnameger ê ameyî hedefkerdene ke no bi xo sûc o û vera azadîya fikran û îfade hêriş o. Ma reyna tîya ra anê ziwan ke no tradîsyono ke ma Musa Anter û Gurbetellî Ersozan ra mîras girewto, do dewam bikero. Hînî çapemenîya azade û rojnamegeran mekerê hedef. Wa embazê ma cade vera bidîyê û mehkemeya înan bêra vindertene. Rojnamegeran rê azadîye.”