MERKEZÊ XEBERAN - Ame zanayîş ke kaybaza Îranî Taraneh Alîdoostî ke hemverê ferzkerdişê hîcabî, fotografê xo yê bêhîcab pare kerdebî, sereştişê keyeyê xo de ameye destbendkerdiş.

 

Serewedaritişê ke 16ê Êlule de Rojhelatê Kurdistanî û Îranî de dest pêkerdibî dewam keno. Hemverê qanûnê hîcabî yê, dîmen û fotografê xo yê ke kuçeyê Îran û Rojhelatî de bêhîcab têgêrenê pare kenê. Tewr peyîn ame zanayîş ke kaybaza Îranî Taraneh Alîdoostî ke paştdayîş da çalakîya hemverê ferzkerdişê hicabî û fotografê xo yê bêhîcab serê hesabê xo yê medyaya dîjîtale de pare kerd, ame padayîş.

 

Rejîsor û dîrektora belgefîlmî Mîna Ekberî, sereştişê keyeyê Taraneh Alîdoostî û prosesê destbendkerdişî de serê hesabê xo yê medyaya dîjîtale de rayaumûmî rê pare kerd.

 

Ame neqlkerdiş ke nîno zanayîş Taraneh Alidoostî berdê ça. Vejîya werte dimayê ke kaybaze ameya tepiştiş, nuşteyê serê hesabê medyaya dîjîtale yê kaybaze ameyê berdiş. Xêrcê postê fotografê hemverê hicabî yê Taraneh Alîdoostî, mesajê aye yê hemverê îdamî zî ameyê pakkerdiş.