ÎZMÎR - Avûkate Turkan Aslan Agaş dîyar kerd ke qetilkerdişê Denîz Poyraz şibyeno qirkerdişê Parîsî û vatî seba dewaya 27ê Kanûne de pê yena waştiş bikerê û delîlî ameyî sîyakerdîş de şikdar estê.

 

17ê Hezîrana 2021ine de hemverê Partîya Demokratîke ya Şaran (HDP) ya Îzmîrî hêriş pê ame û kiştox Onur Gencer, Denîz Poyraz qetil kerdibi. Dewaya derheqê şikdarî de ame akerdiş, roniştişê ci yê 9ine 27 Kanûne de do salona dadgehe ya Kampusê Zîndanê Şakranî do bêro vînayîş. Roniştiş 14ê teşrîna verêne de dozgerî mutalaya xo da û waşt ke şikdar sûcê ‘bi plankerde kiştişê kesan’ û ‘binpaykerdişê destnêdayîşê kargerî’ bêro cezakerdiş.

 

Roniştişê 2yê teşrîna verêne de cendermeyan sîla dabi birayê Denîz Poyraze ro û dimayê nê dewa berdibî zîndanê Şakranî. Avûkate Turkan Aslan Agaç derheqê roniştişê ke do siba bêro vînayîş de ercnayîş kerd.

 

Turkane da zanayîş ke 24ê çeleyî 2022ine de qerarê dadgehe de wekîlê nameyê înan belgeyê rayeyî de estbî û tewr bî, tewrbîyayîşê înan ame qebûlkerdiş û vat: “Qerarêkê eksê ci çin o la reyna zî ma waşt roniştiş 13ine Dadgeha Cezaya Giran ya Edliyeyê Îzmîrî de bêro kerdiş. Umudê ma oyo dadgehe nê helwestî ra agêro.”

 

‘Amanc nimitişê heqîqetî yo’

 

Turkane da zanayîş destpêkê muhakemekerdişî 29ê Kanûna 2021ine ra tepîya heqîqet binê versîya belgeyê rayeyîî de ameyo sînorkerdiş û bi nê muhakemekerdişî mumkin nîyo. Turkan wina vat: “Heyetê dadgehe seba heqîqet nêvejîyo werte hewl dana. Heyetê dadgehe persan şikdarî rê nêkeno û nêwazeno heqîqet vejîyo werte. Ma persêk kenê heyetê dadgehe şahid keno dewre. Di endam û serekêk dadgehe ame vurnayîş. No endam demo îfadeyê şikdarî ame girewtiş verê înan de nêbi, roniştişê verê de çinbî. Sey ke zabitname ameyê wendiş, ameyî derbazkerdiş. La falîyetê muhakemeyî no nîyo. Eke heyetê neweyî yê muhakemekerdişêk ameyo, ganî newe ra na dosyaye muhakeme bikero.”

 

‘Yeno texmînkerdiş ke no roniştişo peyîn bo’

 

Turkane wina dewaêm kerd: “Ma waştiş kerd ke şahidî rî bi rî bêrê goşdarîkerdiş. Kesê bi talîmatê îfadeyê înan ameyo girewtiş seba xeylêk muhîm o ma waştiş kerd ke rî bi rî îfadeyê înan bêro girewtiş newe ra bêrê goşdarîkerdiş. Ma waştişê raporêkê hîra kerd. Na babete de rojnamegerê cigêrayîş kenê estê. Vîdeoyêk ke Cevherî Guven kerdo esto. Nê dayeyê dîjîtal de dayeyê muhîm estê la vanê dayeyê dosya de çin o. Ma waşt no kes bêro  goşdarîkerdiş. Seba dayeyê dîjîtalî ganî raporêk bîn bêro amadekerdiş.”

 

Kesê bi nameyê ‘Tiyatro’ qeyd kerdo kam o?

 

Turkane qiseykerdişê xo de bale ant muhtewayê dîjîtalî û vat: “Dadgehe nêwazena çîyê muhtewayê dayeyê dîjîtalî de bimusa. Seba muhakemekerdiş derg o, ma nê waştişname roniştişê 24ê Çeleyî rdima kerd dosya. Eke biwaştêne do a tarîxe ra seba bikerê dosyaye do cigêrayîş bikerdêne. Dosya de delîlî nêameyî arêdayîş. Babeta  çareseserkerdişê delîlan de kêmî estê û vatî hema temam nêbîyê. Telefona şikdarî de lîsteyêke 950 kesî bi ca yena esta. Dadgehe nê kesan meraq nêkena. Telefonê  şikdarî de kesê bi nameyê ‘Tiyatro’ esto. La nê meraq nêkerdî. Demo şikdar yeno tepiştiş, çapemenîya dîjîtale de hîn ecibnayîşî yenê kerdiş û hîn hesabî ameyê pakkerdiş. Dadgehe tespît kerd ke no kes Murat Kula yo. La dadgehe derheqê nê kesî de tu çîyêk nêkerd. Rastîya ke no qirkerdişî sîyasî yo, yeno peygoşkerdiş. Dewa bi sûcdariya ‘kiştişê kesan ê plankerde’ ame akerdiş. La xeylêk kêmîyê dewa estê. Derheqê kêmîyan de waştişê ma do estbî.”

 

Şibyeno qirkerdişê Parîsî

 

Turkane da zanayîş ke do endamê heyetê îdarekarîya Yewîya Baroyê Tirkîya (TBB) zî ci de do Nobetêke Edaletî bibo û roja dişeme do verê edliye de nobetî pê bêro û sewbîna vengdayîşê tewrbîyayîşê roniştişê Kampusê Zîndanê Şakranî 27ê Kanûne de pê yeno, kerd. Turkane wina qedêna: “Heta ke bêcezaverdayîş bibê, hêrişî do dewam bikero. Her ke tespîtê hêrişî Fransayî de vejenê werte, ma vînenê ke qetilkerdişê Denîz Poyraz şibîyeno yê Fransayî. Seba vernîya nê hêrişan bêro padayîş, ganî heqîqet vejîyo werte.”