ANQARA - Women Defen Rojawanî Stera qirkerdişo ke Parîs de pê ameyo ercna û da zanayîş ke hêriş, hêrişêk nîjadperestî nîyo û Tirkîya hemverê Kurdistan û temsîlkarê Tevgerê Azadîya Cinîyan ê Kurdan dîasporayî kampanyaya cînayetê sîyasî daya destpêkerdiş. Stera wina qal kerd: "Ganî ma dej û hêrsê xo sey hîsêk nêverdê, ganî ma xo bi rêxistin bikerê û pîya têkoşînê xo xurt bikerê."

 

23yê Kanûne de hemverê Merkezê Kulturê Kurdî yê Ahmet Kaya suîkast pê ame û endama Konseya Îdarekara KCKyî Emîne Kara (Evîn Goyî) Hunermendê Kurd Mîr Perwer (M. Şîrîn Aydin) û Abdurrahman Kizil ameyî qetilkerdiş. Dimayê nê protestoyê ameyî destpêkerdiş dewam kenê.

 

Her ca de derheqê qirkerdişî de çalakîyê şermezarkerdiş û reaksîyonê hemverê Fransayî zî dewam kerd. Herêma ke her tim binê kontrolê dewlete de bî, pêameyîşê hêrişêk wina pîl îhmalkarîyê hukmatê Fransayî vejeno werte. Selahîyetdaran dimayê qirkerdişê kesê ke amebi destbendkerdiş, bi sebebê nêweş o wedarnayî nêweşxane.

 

9ê Çeleyê 2013ine de Sakîne Cansiz, Fîdan Dogan û Leyla Şaylemezar zî amebî qetilkerdiş û kiştoxê rastî nêvetibî werte û bi nêzdîbîyayîşê serrgêra qirkerdişî de qirkerdişêk bîn pê ame.

 

Stera hîrê serrî yo kampanya Women Defend Rojawanî (Cinî Rojwanî pawenê) de ca gêna û nika bi tevgerê cinîyan reyde  Rojawan de wareyê neqlkerdiş de şuxulêna, hêrişê sîyasî yê hemverê şarê Kurdî û cinîyê Kurdî ercna.

 

*Serrgêra qetilkerdişê hîrê sîyasetmedarê Kurdî ke 9ê Çeleyî de ameyî qetilkerdiş, nêzdî yo û qirkerdişêk bîn ame ciwîyayîş. Şima derheqê nê hêrişî de çi fikrîyenê?

 

Hêrişê terorî yê hemverê sazgehê Kurdî yê Parîsî bi rastî merdiman lerzneno. No dej û krîzêk pîl o. La ma do sey tevgerê cinîyanê Kurdan û heme şarê Kurdî hêrsê xo biaçarnê xoverdayîşî. No dej û hêrs açaryayo xoverdayîşî û rojê peyîn de protestoyê Parîsî de yeno vînayîş. 10 serrî verê zî hêriş pê ame û hîrê sîyasetmedarê Kurdî ameyî qetilkerdiş. Sakîne Cansiz, Fîdan Dogan û Leyla Şaylemez hetê îstîxbaratê tirkî ra ameyî qetilkerdiş. Qirkerdiş hemverê tevgerê azadîya cinîyê Kurdî bî.  10 serrî dima eynî bajarî de eynî qirkerdiş pê ame. No tesaduf nîyo. Ma sey cînayetê cinîyê sîyasî vînenê. Dewleta tirke, tevgerê azadîya cinîyê Kurdî bi hawayêk sîstematîk hedef gêno û kampanyaya cînayetê cinîyan ê sîyasî dayo destpêkerdiş.

 

*Şahidan dîyar kerdî ke a herême binê kontrolê polîsan de bîya û eşkayîne vernîya nê hêrişî biameyîne girewtiş. Na herême binê kontrolê polîsan de ya senîn no hêriş pê yeno gelo?

 

Çapemenîya mîyanneteweyî, polîsê Fransa yan zî sîyasetmedarî her çiqas nê sey hêrişêk nîjadperestî nîşan bidê zî no hêrişêk nîjadperest nîyo. Şibîyeno hêrişê 10 serrî verê. Nimûne Sakîne Cansiz 24 saetan hetê polîsê Fransayî ra ameyîne kontrolkerdiş. Cayê ke hêrişê peyîn pê ame, kontrolê polîsan esto. Komelê Kurdî yê Fransayî binê tedayê giranî yê dewlete de yo. Polîsî her wext komelê Kurdî taqîb kena. Her çî înan rê agahdar ê. La gelo pawenê? Ganî ma selahîyedar û polîsê Fransayî bipersê gelo hêrişêk wina mumkin o. Çira vernîya nê hêrişî nêpadayê, çira nêdîyaye ameyî. Xeylêk persê nêameyê cewabkerdiş estê. Ameyoxêk senîn yê kiştoxî esto? Gelo tena nîjadperestêk ke hişê xo vînî kerdo? Do kam ci het de rêxistinkerde yo, bi MÎTî reyde pêvînayîşêk virazyayo yan nê? Vernîya qirkerdişî çira yeno veradayîş û senîn bi ke çeke gêno û qirkerdişêk wina keno? Çira hende rehet têgêreno. Çîyê ke ma zanê, verê zî hêrişê di cayê bînî yê girêdayeyê Kurdan de kerdo. Kiştox yeno destbendkerdiş û rojêk bîn wedarnenê klînîkê psîkiyatrî. Roja bîn reyna ame destbendkerdiş. No lezê dewleta Fransayî çî yo, gelo çîyêk niminenê? Ma înan ra pers kenê.

 

*Îdiayê sey şikdar demê tepişte bîyo, bi îstîxbaratê Tirkî reyde pêvînayîş kerdo esto. La dewleta Fransa nê roşn nêkerd û Kurdan kerd hedef. Ma vajê ke no hêrişêk nîjadperestî yo, esasê ci senîn ame amadekerdiş?

 

Wezîrê neqlkerdişî Fahrettîn Altun hîrê rojî vernîya qirkerdişê Parîsî de qiseykerdişêk derheqê têkiliyê Tirk-Fransayî de kerdibi. Nê îfadeyî şuxulnabi, ‘Çi heyf PKKyîjan Fransa de xo nîşan dayê. Tirkîya pawena ke Fransa peynîya falîyetê înan bîyara. Tirkîya paştdayîşê Fransayî pawena nêvînena. Seba nê zî ma do têkoşîn û îmkanê xo yê hemverê terorî dewam bikerê.' Suleyman Soylu rojêk dimayê qirkerdişî eşkerayîye de nîşan dano ke pey hêrişî de hukmatê Tirkî esto. Vano, ‘Erdogan tena terorîstê Tirkîya nê, do pêro dinya werte ra wedarno.' Peyamê vernîya qirkerdişî û dimayê qirkerdişî xeylêk zelal ê. Bi nê hêrişê ke ameyo kerdiş, şarê Kurdî hedef ameyo girewtiş.

 

*Helwestê Fransayî esasê qirkerdişî yê hemverê Kurdan amade kerdo gelo?

 

Belê. Ganî ma nê cipersayîş bikerê, hesab bipersê. Fransayî derheqê qirkerdişê 9ê Çeleyî de tu çîyêk roşn nêkerd. Seba no qirkerdiş nêame roşnkerdiş yê newe pê ame. Seba nê zî ganî qirkerdişê 9ê Çeleyî yê 2013ine bêro roşnkerdiş. Şarê Kurdî êdî selahîyetdarê Fransayî bawer nêkeno. 

 

*Hêrişê hemverê Kurdan de Rojawan zî dewam keno. Şima helwestê hêzê mîyanneteweyî yê verê şerî de ca gênê senîn ercnenê?

 

Tirkîya hemverê Kurdistan û temsîlkarê Tevgerê Azadîya Cinîyanê Kurdan ê dîasporayî kampanyaya cînayetê sîyasî daya destpêkerdiş. Ganî ma dej û hêrsê xo sey hîsêk nêverdê, ganî ma xo bi rêxistin bikerê û pîya têkoşîn xurt bikerê. Ma Rojawan de nê hêrişan vînenê. Bi di serrî yo hêrişê bi droneyan zêde bîyê. Tirkîya sey endamê NATOyî, bi çekê NATOyî, bi tesdîqkerdişê NATOyî nê hêrişan kena. Sey ke  têkilîyê NATOyî yê, agahîya ci çin o nîşan danê la Tirkîya xeta NATOyî nêvejîyaya. NATO û Rûsya rayîr da verê Tirkîya. Seke bîn Tirkîya nêeşkayîne bikera.

 

*Mesajê şima seba komelê Kurdî û hêzê mîyanneteweyî çî yo?

 

Komelê Kurdî û heme hêzê averşîyayeyê dinya, ganî her tim bi demokrasî, azadî, hêzê şorişê cinîyan, ciwanan û komelî ra bawer bikerê. Ma tu netew dewletêke ra paştdayîş nêpawenê. Hêzê mîyanneteweyî seba ma bêveng bikerê, wazenê serê serebûtan padê. Ganî ma têkoşînê xo, vengê xo berz bikerê û rastîyan bipawê. Heta ke merdimî, azadîyê xo, qedera xo tayîn nêkerê do qirkerdişî dewam bikerê. Ganî ma hêrs û dejê xo hîsî rê tena nêverdê û têkoşînê xo dewam bikerê.