ANQARA - Wekîkê HDPyî vera tecrîdî çalakîya nobete rê dewam kenê. Wekîl Îmam Taşçierî çalakîye de qisey kerd û dîyar kerd ke tecrîd verê demokrasî de asteng o û beno sebebê krîzê ekonomîkî.

 

Wekîlê HDPyî seba ke Rayberê PKKyî Abdullah Ocalanî de pêvînayîş bêro kerdene 9 rojî yo Nobeta Edaletî kenê. Wekîlê HDPyî Tulaye Hatîmogûllari, Îmam Taşçier, Abdûllah Koç, Erdal Aydemîr, Ayşe Surucu, Huseyîn Kaçmaz, Şevîne Coşkûn û Nûsrettîn Maçîn ver bi Wezîrîya Edaletî şîyî.

 

‘Heta tecrîd nêqedîyo şer nêqedêno’

 

Îmam Taşçierî nameyê wekîlan ser o eşkerayîye daye û vat: ''Abdullah Ocalanî ra 21 mengî yo xeberêke zî çin a. Ma venga îqtîdarî danê ke wa qanûnan bîyaro ca. 2013-2015 de bi Birêz Ocalanî Îmrali de masa nîyabi ro. Îqtîdarî na masa nabî ro û dima 2015 de bi xo masa rijnaye. Reyna no îqtîdar tecrîd keno ferz. Heta ke meseleya kurdan nêra çareserkerdene na bêhuqûqî û bêedaletî do dewam bikerê. Eke îmkan bêro dayene Birêz Ocalanî Rojhelatê Mîyanênî de şer do biqedo.”

 

‘Mifteyê demokrasî Îmraliyî de yo’

 

Îmamî dewam de bale ante serê meseleya kurdan û vat: “Wextê prosesê çareserîye yê 2013-2015î de şar terefgîrê çareserîya meseleya kurdan bi. O çax huqûq, heqê merdiman û demokrasî goreyê serranê vîyarteyan başêr bîyî. Seba ke meseleya kurdan bêra çareserkerdene, krîzo ekonomîk û krîzê bînî biqedê wa tecrîd bêro wedaritene. Mefteyê demokrasî Îmrali de yo. Eke tecrîd biqedo, demokrasî do bêra.”