ANQARA - Wekîlê HDPyî Hasan Ozguneşî pare kerd ke eke berê Îmraliyî bêrê akerdene Tirkîya do nê cuya cehenemî, şerê gemarinî û nê rejîmê zulmî ra bixelisa.

 

Çalakîya Nobeta Edaletî ya wekîlanê HDPyî vera tecrîdkerdişê Rayberê PKKyî Abdullah Ocalanî roja 12ine de dewam kena. Wekîlê HDPyî Mûrat Sarisaç, Îmam Taşçier, Ayşe Surucu, Kemal Bulbul, Erdal Aydemîr, Fatma Kûrtûlan, Huseyîn Kaçmaz, Hasan Ozguneş, Mahmut Togrûl û Celadet Gaydali ver bi Berê Meclîsî şîyî.

 

Wekîlê HDPyî yê Şirnexî Hasan Ozguneşî nameyê wekîlan ser o qisey kerd û ard ziwan ke tecrîdê Îmraliyî goreyê huqûqê zereyî û huqûqê mîyanneteweyî sûc o. Hasanî vat: ''2 serranê peyênan de 142 tepişteyî zîndanan de ameyî qetilkerdene. Bi seyan tepişteyê nêweşî zîndanan de xo ver danê û terkê mergî benê. Zîndanan de zulmê Darbeya 12ê Êlule est o.”

 

 

Hasanî veng da wezîrê edaletî û wina vat: “Eke berê Îmraliyî bêrê akerdene, Tirkîya Tirkîya do nê cuya cehenemî, şerê gemarinî û nê rejîmê zulmî ra bixelisa. Ma reyna venga Wezîrîya Edaletî danê ke û vanê ke tecrîdî wedarna. Ganî Ocalan û tepişteyê bînî bieşkê avûkatanê xo bivînê. Ma hêvîdar ê û heta peynî têkoşîn bikerê.”