Melek Avci

 

ANQARA - Teolog Fatma Yavuz derheqê pêşnîyaz qanûnê turbanî yê îqtîdarî de qisey ker dû vat: “Ma meyarê hemverê yewbînan û sîyaset mekerê. Hetêk de komel mekerê qurban û heq teslîm mekerê. Ez heqê ke way û birayanê mi ra ameyî girewtiş qebul nêkena.”

 

Pêşqanûnê bedelnayîşî desturê bingeyîn yê bi nameyê ‘seba turbanî asayîşê desturê bingeyîn û pawitişê keyeyî’ ke hetê AKPyî ra ame amadekerdiş bi parlamenteranê MHPyî û parlamenterêk Partîya Yewîya Girdî (BBP) bi pêroyî, bi îmzeya 336 parlementeran 9ê Kanûne de pêşkêşê Serekomarîya Meclîsî ame kerdiş.

 

Palatformê Cinîyan ya Seba Têduştîye (EŞÎK) dîyar kerdbî ke pêvînayîşê komîsyonî yê derheqê pêşqanûnî de ercnayîşê cinîyan nêameyo girewtiş, cinî tewrê pêvînayîşî nêameyî kerdiş û bale antbî serê rîskan ser.

 

Teolog Fatma Yavuze derheqê pêşqanûnê turbanî de ajansê ma rê qisey kerd.

 

Fatmaye da zanayîş ke muxalefetê sîyasî heto ke îqtîdarî bido vindertiş de mird nîyo û ganî komel hemverê nê qanûnanê cîyakeran rê vajo êdî bes o. Fatmaye wina dewam kerd: “Munaqaşayê turbanî yê desturê bingeyîn yenê kerdiş. La çîyêk şaş esto. Ma seke welatê sey Swêd, Norveçî xeylê demokratîkî, ercnayîşê bi konforî yenê kerdiş. Tîya Tirkîya de rejîmêk otorîter yê giran esto. Her çî serûbin kerdî. Ne huqûq, ne dezgehê demokratîkî mendî. Xora welatêk normal de heq û azadî sebest ê. Çîyo qedexe bi qanûnî yeno kerdiş. Çîyo serbest xora serbest o.” 

 

‘Hewceyê bi qanûnî çin bo çira yeno vurnayîş’

 

Fatma dewam de wina vat: “Ganî muxalefet babeta turbanî de her tim nîno tengkerdiş. Rewşa bîyaye de xora qedexeyê turbanî çin o. Kemal beg anormalîyê Tirkîya verê çiman de girewt, seba çareserî nê pêşnîyazî kerd û o zî zano ke hetê teknîkî de xora hewce pê çin o. Ez zelal vana seba hacetê destê Erdoganî ci ra bigîro nê pêşnîyazî ard. Belê nika qedexeyêk fîîlî çin o, xora problem zî çin o. AKPyî zî vat, şima çira anê, problem çin o. La seba kayê destê Erdoganî rê bigîrê ard. No hemleyêk sîyasî bi.”

 

 

‘Heq medê ma’

 

Fatma sewbîna vat, îqtîdar her reya ke sîyaset keno hînan keno qurban û wina vat: “Goreyê îqtîdar tena wendegehê Îmam Hatîp û yê turbankerde maqul ê. Hewteyê vîyarte de weşanê mi venga Erdoganî kerd de ez bi lînçî reyde ameya rî bi rî. Verê mi bernameyê HDPyî de zî veng dabi. Mi vatibi, ‘seba vatişê nefretî zirar biresno yew kesêk LGBTÎ ez ê turbanê xo abikerî û biveşnî.’ Mi nê reyna kerd. La vatî, blof kena. Ez xeylêk bi qerar a. Ma meyarê hemverê yewbînan û sîyaset mekerê. Hetêk ra komel mekerê  qurban û heq teslîm mekerê. Ez heqêk û birayê mi ameyê tepiştiş qebûl nêkenê. Bi qasê ma destur bidê do wareyê ma teng bikerê. Ma destur nêdanê nê.  Mifte destê ma de yo.”