RIHA - Çalakiya "Nobeta Edaletî" ya keyeyê Şenyaşarî roja 670ine de dewam kena û keyeyî çalakîya ewro de wina vat: "Xelatê ke danê ma sebq dayîke beno moral. Labelê rîyê dayîke nêhuyayîne. Dayîke di serrî yo verê edlîyeyî de ya.”

 

Merdim û pawitoxê Parlamenterê AKPyî Îbrahîm Halîl Yildiz 14ê hezîrana serra 2018ine de hêrişê dikanê keyeyê Şenyaşarî yê Pirsûsî yê Rihayî kerd. Netîceyê hêrişî de mêrde û 2 lajê dayîka Emîne Şenyaşare ameyî qetilkerdiş. Emîne Şenyaşar û lajê ci Ferît Şenyaşar ke qirkerdiş ra bi birîndarî xelisyabî, 9ê Adara 2021ine de vernîya Edliyeyê Rihayî de dest bi Nobeta Edaletî kerdî. Çalakîya keyeyî roja 670ine de dewam kena. Seba ke peynîya hewteyî de berê edlîyeyî padeye yo, keyeyî çalakî keyeyê xo yê Pirsûsî de dewam kerd.

 

Keyeyî serê hesabê xo yê Twitterî de nê mesajî pare kerd: “Xelatê ke danê ma seba dayîke beno moral. Labelê rîyê dayê nêhuyeno. Dayê di serrî yo verê berê edlîye de ya, lajê ci zî 4 serrî û nîm o bi ‘fermanê serdestan’ tepişte yo. Tawanbar xo pey AK Partî de nimito. Dozgerê komare wezîfeyê xo bi ca nêanê.”