RIHA - Cenazeya endama Meclîsê Dayîkanê Aştîye ya Rihayî Bedriye Demîr Riha de ameye definkerdiş. 

 

Dayîkanê Aştîye ya Rihayî ra Bedrîye Demîr (65) ke wedarnabî nêweşxane, seba kezeba aye enfeksîyon girewt, şî heqîya xo. Cenazeya Bedrîye morg ra hetê  endamê Meclîsê Dayîkanê Aştîye ya Rihayî, Aktîvîstê Tevgerê Cinîyanê Azadan (TJA), Rêxistinê Partîya Demokratîke ya Şaran (HDP), Rêxistinê Partîya Herêmê Demokratîke (DBP), Komeleya Paştdayîşî û Hetkarîya ya bi Keyeyî dir Merdimê xo serê nê Cografyayê Kadîmî de Vînî kerdê (KATDER) û parlamentera HDPyî ya Rihayî Ayşe Surucu ra ameye girewtiş.

 

Cenaze dimayê ke Camîya Yusuf Paşa de vecîbeyê dînî pê ardî, Goristanê Bediuzzamanî de ameye definkerdiş. Goristan de parlamentere Ayşe qiseykerdişêk kerd û vat: "Bedrîye bi serran seba  aştîye têkoşîn da. Ma do zî seba ardişê aştîye xoverdayîşê xo girs bikerê.”