Melek Avci

 

ANQARA - Aşme çele ya û şarê Kurdî 2013ine de bi agahîyêk dej vejîyayî wareyan û seba Sakîne, Leyla û Fîdane dest bi lorînayîşan kerdî. Pêwa 10 serrî derbaz bi, ne têkoşînê hîrê cinîyan ame xovîrrakerdiş, ne zî kesê ke qirkerdiş pê ardî, ameyî xovîrrakerdiş.

 

Prosesê ke pêvînayîşê derheqê çareserîya problemê kurdî de mabêne Rayberê PKKyî Abdullah Ocalan û dewlete de amebi destpêkerdiş û parlamenterê Partîya Demokratîk û Aştîye (BDP) yewin rey şîbî Îmraliyî, 9ê çeleyê 2013ine de hîrê sîyasetmedarê kurdî yê cinî Parîs de Buroyê Enformasyonê Kurdistanî de ameyî qetilkerdiş.

 

Parlameterê DBPyî 3yê çeleyê 2013ine de şî Îmraliyî. 6 rojî dimayê nê qirkerdiş pê ame û yew kadroya awankerdoxa PKKyî Sakîne Cansiz (Sara), Endama Tevgerê Ciwanan Leyla Şaylemez (Ronahî) û Temsîlkara Kongreya Neteweyê Kurdistanî (KNK) ya Parîsî Fîdan Dogan (Rojbîn) ameyî qetilkerdiş. Nê 10 serran de şikdarî nêameyî muhakemekerdiş. Dimayê îtîrafê Tirkîya ameyî û pêwa pêro delîlan hukmatê Fransa nêkewt tevger. Dimayê 10 serran dima qirkerdişêk newe Parîs de ame kerdiş. Hukmatê Fransa ke mîyanê Parîsî de şarê Kurdî nêpawit, hemverê reaksîyon û hêrsê şarê Kurdî bi bombayê gazî cewab da.

 

Leyla Şaylemeze demo ke ameye qetilkerdiş, 25 serrî bî û roşnîya aye û hîkayeya aye do hişê ma reyna reyna bîyara vîr.

 

Rayîrê surgunî

 

Yew cinîya ke ameye qetilkerdiş ra bî û ya tewr ciwane bî. Keyeyê aye ke Licê de cuyayêne tedayan vera koçê Mêrsînî keno. Leylaye tîya de yena dinya. 1ê çeleyê 1989î de Mêrsîn de yena dinya û tutîya aye tîya de derbaz bena. Tedayê dewlete tîya de zî dewam kenê. Leylaye tewrê keyeyê xo mecbur manenê ke koçê Ewropa bikerê.

 

Leyla û keyeyê aye ke vîşêrê xo to kelepulêk xo nêberdî Almanya bajarê Hlalle yê eyaletê Saksonya-Anhaltî de bi ca benê. Bi serran têkoşînê cuye danê. Keye kişta mektebanê Almanya, seba ke tutanê xo kulturê xo ra dûrî nêresnê benê Komeleya Kurdan. Leylaye tîya de koma reqsî de ca gêna.

 

Hêrsê Leylaye yê hemverê dewlete gird beno û sey Sakîneye qerar dana ke hêrsê xo açarna pêrodayîşî. Leylaye serra 2008î de hîna aktîf tewrê xebatan bena û 2 serran ra dima yanî serra 2010î de tewrê PKKyî bena. Leylaye dima ra reyna agêrena Ewropa û xebatanê ciwanan rayra bena. Leylaya ke bi qerar û samîmîyetê xo ameyêne şinasnayîş 9ê Çeleyê 2013î de tewrê Sakîne û Fîdane ameye qetilkerdiş…

 

‘Amacê aye şîyayîşê koyanê azade bî’

 

Leylaye 2008î de tewrê embazanê xo bena, pîyê xo rê mektubêk nusena û wina vana: “Amacê mi şîyayîşê koyanê azade bî, ez resaya amacê xo.” Cinîya datê aye Nursel Şaylemeze derheqê Leylaye de wina vat: “Leyla tutêka zaf çalak bî. Nêeşkayêne cayê xo de vindera.” Nursele dîyar kerd ke hesretê Leylaye yê tewr gird o bî de şêra Amed, tewrê Newroza Amedî biba. Mîraso ke ê hirê xoverdayoxê kurdî verdayî, cinîyê kurdî girewtî. Her aşma çeleyî vîrardişî ra wetêr, bîya sembola xoverdayîşî.