STENBOL - Îdarekara GOÇÎZDERî Songul Kose dîyar kerd ke 18 serrî verê bi Fatma Tokmak reyde 4 serran zîndanê Gebzeyî de tepişte menda û vat, dimayê 18 serran aye reyna dîya la êdî nêeşkena vejîyo derencan û pêwa pêro nêweşîyan Fatma fek xoverdayîşîê xo ra vera nêdaya.

 

Fatma Tokmaka ke 1996ine de Kocaeliyî de ameye destbendkerdiş û 20 rojî bi tutê xo yê di serrî û nîm yê bi nameyê Azadî reyde bi îşkence rî bi rî mende û bi 22 serrî yo zîndan de yena tepiştiş. Fatma nêweşîya qelbî ya girane ya. Seba ke gonî nêşina qelbê aye, coka hewteyêk reyke gonîya aye bêra vurnayîş. Sewbîna nêweşa şekirî ya zî û hetê girewtişê helmî de zehmetî ancena. Fatma binê şertê giranî de yena verdayîş û bi binpaykerdişê heqan reyde rî bi rî manena.

 

Îdareyî asansore pada!

 

Fatma seba nêweşîya xo rayîr ra şîyayîşî de zehmetîyan ancena, seba nê asansore şuxulnayîne labelê asansora zîndanî hetê îdareyê zîndanî ra ameye padayîş. Seba  nêzdîyê 5 aşmî verê asansore ameye padayîş, Fatma xeylêk zehmetîyan ancena.

 

Bi zorî Fatma xo ancena derence

 

Seba asansore ameye padayîş Fatma nêeşkena xo bianca derenceyan. Avûkatan vat ke Fatma bi zor derencan de şina, nêeşkena şêra revîr. Fatma her çiqas muracatê Wezaretê Edaletî kerda zî hîn cewabî ci rê nêameyî. Sewbîna nê wareyî de ê do hewldayîşê avûkatan ê hetê huqûqî de dewam bikerê.

 

Îdarekara Komeleya Taqîbkerdişê Koçberî (GOÇÎZDER) Songul Kose 18 serrî verê bi Fatmaye zîndanê Gebzeyî de menda. Songula ke seba falîyetê komeleye ame padayîş û 6 aşmî dima 15ê Kanûna 2022ine de ameye tahlîyekerdiş, derheqê 4 serrê ke bi Fatmaya reyde derbaz kerda û sewbîna pêvînayîşê peynî ajansê ma rê qisey kerd.

 

Cinîyêke weşik, ciwan û çalak bî

 

Songule da zanayîş ke vernîya ke Fatma nas bikero zîndan de pê hesîyaya ke Fatma û lajê aye Azad destbendkerdiş de ameya îşkencekerdiş û vat: “Ez zîndanê Umranî de mendêne. Dima ra ma berdî zîndanê Gebzeyî. Mi Fatma uca de nas kerd. Fatma o wext cinîyêka ciwane bî. Lajê aye Azad zî verê aye de bi. fatma cinîyêka ciwane û weşike bî. Enerjîya aye berz bî. Cinîyêke kedkar bî. Ma nêzdîyê 4 serrî pê dir mendî. Azad ame 7 serre seba mektebî ame vetiş.”

 

‘Pîya îşkence dîyîû zîndan dîyî’

 

Songule derheqê aye wextî de qisey kerd û wina dewam kerd: “Şîyayîşê Azadî tesîrêk gird serê Fatmaye de viraşt. Azad lajê ma heminan bî. Ma pîya kaykerdêne. Serra 2004î de bi bedelnayîşê TCKyî xeylê tepişteyî ameyî tehlîyekerdiş, ez zî ameya tehlîyekerdiş. Fatmaye zî ameye verdayîş. La Fatma dima ra reyna ameye tepiştiş. Fatma vejîya û lajê xo reyde cuyayî. La dima ra çîyo ke ame vîrê merdiman Azad do tena senî bicuyo. Çimkî ê wirdî zî pîya îşkence û zindan dîbî.” 

 

’18 serrî ra dima yewbînan dîyî’

 

Songule da zanayîş ke dosyayê GOÇÎZDERî ame girewtiş û aye wext bi Fatmaye reyde zîndanê Bakirkoyî ra yewbînan rê mektube şirawitî û ewja de yewbînan dîyî. Songule wina dewam kerd: “Mi nazayêne Fatma nêweş a. Pêvînayîşê avûkatî de mi Fatma serê derenceyî de dî. Hema zî rindek bî la rîyê aye zaf masayebî. Fatmaye vat ke ez nêeşkena derenceyî ra şêro cor, asansorî nêxebetnenî. Fatmaye nêweşa zerrî ya giran a. Ganî hewte de reyêk gonî bibedelna. Ganî bêra dermankerdiş. Fatma nêeşkena bi derenceyî cor şêra. Şertê zîndanî seba tepişteyanê nêweşan xirab î. Fatmaye nê şertan mîyan de ganî nemana. Bakirkoyî de xeylê binpaykerdişê heqan yenê cuyayîş.”

 

’18 serrî ra dima yewbînan dîyî’

 

Songule da zanayîş ke dosyayê GOÇÎZDERî ame girewtiş û aye wext bi Fatmaye reyde zîndanê Bakirkoyî ra yewbînan rê mektube şirawitî û ewja de yewbînan dîyî. Songule wina dewam kerd: “Mi nazayêne Fatma nêweş a. Pêvînayîşê avûkatî de mi Fatma serê derenceyî de dî. Hema zî rindek bî la rîyê aye zaf masayebî. Fatmaye vat ke ez nêeşkena derenceyî ra şêro cor, asansorî nêxebetnenî. Fatmaye nêweşa zerrî ya giran a. Ganî hewte de reyêk gonî bibedelna. Ganî bêra dermankerdiş. Fatma nêeşkena bi derenceyî cor şêra. Şertê zîndanî seba tepişteyanê nêweşan xirab î. Fatmaye nê şertan mîyan de ganî nemana. Bakirkoyî de xeylê binpaykerdişê heqan yenê cuyayîş.” 

 

Vera nêweşîyan xover dana

 

Songule dîyar kerd ke wexto ke Fatma dîya şaş menda û wina peynî ard: “Fatmaye kesêk kêfweş û yarî kerdoxî bî. La wexto ke mi rewşa aye ya peynî dî ez şaş menda. Tena mi aye rê vat ‘miqateyê xo be’. Sewbîna mi çîyêk nêvat. Mi nêwaştêne ez aye verda û şêra la mecbur menda ke verda. Ez vana ke Fatmaye do senî cuya xo îdame bikera. Nêweşîya zerrî nêmanena tu çîyêk. Hema anîden beno ke zerrîya merdimî vindera. Vera nê çîyan reyna zî Fatmaye fek têkoşînê xo ra vera nêdana. Rewşa aye hema zî çimanê mi ver de ya. Ez veng dana rayaumûmî ke bibî vengê tepişteyanê nêweşan û ganî bilez heme tepişteyê nêweşî yê giranî serbst bêrî verdayîş.”