ANQARA - Gerreyê derheqê cigêrayîşê zitî de ke hetê rojnamegerê cinî yê Zîndananê Cinîyan ê Sîncanî de mendêne ra ame kerdiş bi bahaneyê "Tu sûc çinî yo” bêtaqîbkerdişî netîce bi.

 

Çarçewaya cipersayîşê Serdozgerîya Komara ya Anqarayî de 5 rojnamegerê cinî 29ê teşrîna verêne de amebî tepiştiş û şirawitî Zîndanê Cinîyan ê Sîncanî. Demê kewtişê zîndanî de cigêrayîşê zitî her 5 rojnamegeran rê amebi ferzkerdiş. Rojnamegerî zî hemverê nê caardişî vejîyayî û gere kerdî. La derheqê gerre de qerarê nêtaqîbkerdişî de bêtaqîbkerdişî ame dayîş.

 

Rojnamegerê cinî muracatê Serdozgerîya Komare ya Bati ya Anqarayî dabî û gerre kerdibî. Serdozgerî zî 14ê kanûne de cewab da. Dozgerî zî fikrê 2yîn ê maddeyê 34ine ê rêziknameyê “Cigêrayîş, Tetbîqatê Asayîşî û Hûmartişê ê Îdarekarîya Sazgehê Înfazkerdişê Ceza û Înfazkerdişê Tedbîrê Ceza û Asayîşî” sey bahane mojna û îdia kerd ke eke îdarekarîya zîndanî lazimî pê bivîno eşkeno goreyê nê usûlan nê caardişî bi ca bîyaro.

 

Îdarekarîya zîndanî xo ra mukur ame

 

Îdarekarîyê zîndanî zî xo ra mikur ame û îdia kerd ke mîyanê hacetê rojnamegeran de 4 CD estê û seba tespîtkerdişê hacetê qedexeyî teber ra ameyê, nê cigêrayîşî kerdê. Bi domdarî zîndanî nê îdia kerd: “Odaya cigêrayîşî de bê dest bidê çermê înan, serê pêşmalk de ameyo kerdiş û bê ke hîsê şermî bêro binpaykerdiş, cigêrayîş serê înan de ameyo kerdiş.”

 

Dozgerîye zî îfadeyê îdarekarîyê zîndanî esas girewt û bi bahaneyê “Tu çîyê sûcî nêameyê vînayîş” û qerarê nêtaqîbkerdişî da. Rojnamegeran zî hemverê qerarê nêtaqîbkerdişî yê Dadgerîya Cezaya Silhî ya Bati ya Anqarayî îtîraz kerd. 

 

Çi bibi?

 

25ê teşrîna verêne de çarçewaya cipersayîşê Serdozgerîya Komare ya Anqara de Amed, Mêrdîn, Riha, Wan, Stenbol û Manîsayî 11 rojnamegerî amebî destbendkerdiş.  5 rojnamegerê cinî yê ke vetî Edliyeyê Anqarayî cigêrayîşê zitî ame ferzkerdiş. Pêwa ke emnîyetî vatibi tu çîyê sucî mîyanê hacetê rojnamegere Ceylane de nêameyê vînayîş zî zîndan de bi bahaneyê ke Cdyêk mîyanê cilanê aye de vejîyayo, cigêrayîşê zitî pêro rojnamegeranê cinîyan rê ferz kerdo.