ANQARA - Muxabîra MAyî Ceylan Şahînlîya ke zîndanê Cinîyan ê Sîncanî de manena wina vat: “Her kes zano ke sebebê muhakemekerdişê ma muxabîrîya ma ya. No lingê muhakemeyî ke ma wareyan yê hemleyê ke ma wareyan ra vejê bi.”

 

Anqara de 25ê teşrîna verêne 2021î deçarçewaya tehqîqatêko ke ame rayraberdiş de muxabîra Ajansê Mezopotamya (MA) Ceylan Şahîna ke Riha de ameye destbendkerdiş û berdî Anqara, 29ê teşrîna verêne 2021î de tewrê 8 embazanê xo ameye tepiştiş. Ceylana ke Zîndanê Cinîyan yê Sîncanî de yena tepiştiş cewab daye persanêma. Ceylane da zanayîş ke xeylê çîyê ke teber de nêdîyî zerre de xo rê kerdî tecrube û vat ke vîşêrê rutînê rojane yê zîndanî, hemverê astengî û sînorkerdişê xoresnayîşî de zêde zêde sohbetan kenî. Ceylane wina vat: “M abi kanalanê TV û rojnameyan xo resnenê xeberan û wanenî. Şuxulnayîşê ziwanê înan yê xeberan, şekle pêşkêşkerdişê xeberan, çime û ercnayîşê xeberan benê sebebê munaqaşayanê dergan. Bi taybetî pêşkêşkerdişê qetilkerdişê cinîyan û ziwanê netewperestî ke vera cinîyan de yeno şuxulnayîş zêde hetê ma ra yeno munaqaşakerdiş.”

 

‘Her îşkenceyî qeyd kerdî û serwîs kerdî’ 

 

Ceylane dîyar kerd ke wexto ke vejîyaya vernîya dozgerî û îdîayanê derheqê aye eşnawita, îhtîmalê tepiştişî ameyo vîrê aye û wina dewam kerd: “Hewl dayî her çîyî krîmînalîze bikerî, hewl dayî atmosferêk wina awan bikerî. Her çîyê hetê rojnamegerîya mi sey suc dîyî. Endamtîya min ya Komeleya Rojnamegeran ya Dîcle Firatî (DFG), bajaranê bînan ke kerdişê rojnamegerîya mi, parekerdişê xeberan yê serê çapemenîya komelkî pêro suc ameyî hesibnayîş. Eştî keyeyê ma ser û bi ekîbêk 30 kesî ma 5 kesan Riha-Amed ra berdî Anqara û îşkenceyo ke kerdî zî kerdî binê qeydî û serwîs kerdî. Ez demêk kilm Anqara de zî xebetîyaya. Xeylê reyan polîsî şîdet bi mi kerdî. Ez bîya şahide xeylê binpaykerdişan. Ez nê tepiştişan sey hêrsê înan yê hemverê rojnamegeran vînena.” 

 

Dermankerdişê bi kelepçekerde

 

Ceylane sewbîna ard ziwan ke xeylê binpaykerdişê heqan, cigêrayîşê zit û dermankerdişo bi kelemçekerde ke xeberan de nuştî, ê bi xo zî rî bi rî merndî û dewam kerd: “Dermankerdişo bi kelemçekerde ma rê ame ferzkerdiş. Seke mi xeberanê ke demê peyênan de derheqê binpaykerdişê heqan yê doktoran de nuşbî, caardişêk winasî ke ercê merdimî şiknenî reyde ameya rî bi rî û ez xeylê hîssin bîya. Îdareyê zîndanî ke tu waştişêk ma cidî nêgêno, hema çîyêk şenik de daxî bilez têgêreno. Mi derheqç dermankerdişo bi kelemçekerde de muracatê Mudirîya Weşîye ya Anqara kerd la ê dermankerdişo bi kelemçekerde pawitî.”

 

‘Ma qerardarê ke rojnamegerîya xo dwam bikerî’

 

Ceylane sewabîna vat ke badê tepiştişê înan dozgerê dosyayî vejîyayo mabendayîşî û nê ercnayîşan kerd: “Seke her çîyo ke bêro kerdiş ameyo kerdiş têgêrenî. La derheqê îdîanameyê ma de tu çîyêk raşte e çinî yo. Her kes zano ke bahaneyê muhakemekerdişê ma rojnamegerî yo. No payê muhakemekerdişî yê hemleya ke ma raşteyan ra biancî bî. Verniya meslekê ma yeno gırewtış. La ma qerardarê ke raşteyan de rojnamegerîya xo dewam bikerî. Têkilîya ma tîya de bi sînor biba zî nêeşkenê bibî asteng.” 

 

‘Berzkerdişê hêzê paştîdayîşî muhîm o’

 

Ceylane wina peynîya qiseykerdişanê xo ard: “Tirkîya de seba tay kesan azadî bê sînor a. Nê kesî se bikerî zî nînê muhakemekerdiş. Raşteyê înan her ke şino hîra beno, raşteyê hetê bidestan zî her ke şino teng beno û nêeşkenê nefes daxî bigêrî. Wina yo ke heqê ewilîn yê bindestan zî bi minet yeno dîyîş. Vera nê çinîhesibnayîşan û bêhuqûqîyan de ganî refleksê komelî ganî bibî û hêzê paştîdayîşî berz bibo.”