MERKEZÊ XEBERAN - Koordînasyona Kongreya Starî qetilkerdişê parlamentera Afganî Mursel Nebîzade şermezar kerd û vat: “Mursel Nebîzade siyasetmedarêka aktîf û pawitoxêka çalake ya heqê cinîyan bî. Bi paştdayîşê xo yê pêwa tevgerê Şorişgerî ya cinîyê Afganîstanî vejîya vernî.”

 

Koordînasyona Kongra Starî derheqê qetilkerdişê parlementa Afganî Mursel Nebîzade eşkerayîyêke nuşteyî weşêna. Eşkerayîya Kongreya Starî de hêrîşê xofane bi hawayêk şîdetî ame şermezarkerdiş û no çî ame vatiş:

 

“Seke Kongreyê Starî hemverê hedîseya qetilkerdişê sîyasetmedara Afgane Mursel Nebîzade ma xemgîn û bihêrs ê. Mursele Nebîzade serra 2018ine de seke endama parlamenta Afganîstanî amebî weçînayîş. La parlamentoya ke ci de 69 endamê cinî estbî, dimayê ke Talîbanî Tebaxa 2021ine de kontrolê welat bi dest kerd, ameyo vilakerdiş. Netîce de xeylê xo temsîlkarê şarî remayî yan zî xo Talîbanî ra niminenê.

 

'Rexmê tehlukeyê serê cuya xo, welatê xo terk nêkerda'

 

Mursele Nebîzade yew temsîlkarê şarê Afgaî bî ke pêwa tehlukeyê serê cuya xo, welatê xo terk nêkerda. Pellçiqnayîşê îradeyê şarî hetê Talîbanî ra qebûl nêkerda û welatê xo de mende. Mesajêk xo de vatêne, “No welat lokontayêk ke ez xizmetê ci hes nêkerî û vejîyî. Tîya welatê min o û ez o kîşta şarê xo de vinderî.”

 

Mursele Nebîzade siyasetmedarêk aktîf û pawitoxêka çalak a heqê cinîyan bî. Bi paştdayîşê xo yê pêwa tevgerê Şorişgêrî yê cinîyan ê Afganîstanî vejîya vernî.

 

Roja yewşeme keyeyê xo de paytextê Kabîlî de ameye kiştiş. Bi taybetî serê û sîngê aye hedef ame girewtiş. Ma bawer nêkenê ke bi tesadûf bibo. Dîyar o ke mezgê û qelbê aye ameye hedefgirewtiş. Rejîmê dişminê cinî wazeno bi kiştişê aye mesajêk bido pêro cinîyanê Afganîstanî ke xoverdayîşê xo hemverê Talîban û têkoşînê xo seba cuyêka azad dewam kenê.

 

‘Talîban gam bi gam cinîyan raşteyanê pêroyîyan ra vejeno’

 

Bado ke kontrol kewt deste Talîbanî yewser şerêk hemverê cinîyan da dîya dest pêkerdiş. Talîban gam bi game cinîyan raşteyanê pêroyîyan, sîyaset, raşteyê kede, dezgehê perwerdeyî û heme cuya komelkî ra vejeno. Pê nê caardişan wazenê cuye, nasname û îradeyê cinîyan bifînî bîyayîşêk ke tede tena goş danohegemonyaya camêrdo serdest î. Cinîyê ke hemverê rejîmê faşîstî yê camêrdî de xover danî û serkêşîya xoverdayîşî kenî sey tehlukeyêk gird yenê dîyîş. Çimkî cinî tarîtîye roşn kenî, umud danî, cesaret û hêzê xoverdayîşî vila kenî. Coka ra raşte raşt yenê hedefgiretwtiş, raştê îşkenceyî yenî, yenê tepiştiş û kiştiş. Talîban fikirîyeno ke bi qetilkerdişê cinîyanê serkêşan do bieşko xoverdayîşê şaranê azadîwaştoxan yê Afganîstanî teslîm bigêro. 

 

Sey cinîyê Kurdî ma zî eynî rewşe reyde rî bi rî manenê. Dewleta tirke ya faşîst bi şehîdkerdişê serkêşanê ma wazena ma qir bikera. La her şahadetêk de zerrîdayoxîya ma, girêdayîşê ma bi şorişê cinîye û têkoşînê ma seba cuyêk azad, welatêk azade hîna zêde hêz qezenc kena. Na çarçewa de ma seba pêardişê umud û xeyalanê hemrayanê xo û serkêşanê ma yê şehîdî, xoverdayîşê xo her ke şêro berz bikerî. Sey Kongreya Stare ma serveşî keye û heskerdoxanê Mursel Nebîzade, way û hemrayanê xo yê Afganan rê wazenê. Ma wazenê ke şima bizanî têkoşînê şima têkoşînê ma yo û xoverdayîşê ma seba şima yo. Şima umud û hêz danî ma. Ma umud kenî ke şorişê ma yê cinîyan zî hêz û bawerî dano şima.”