MERKEZÊ XEBERAN - Keyeyê Êzidîjan ê Herêma Cizîrî, seba serrgêra hêrişê dewleta tirke ya hemverê Efrînî de eşkerayîyêke da. Eşkerayîye de ame vatiş, Efrîn de xoverdayîşêko pîl pê ame.

 

Keyeyê Êzidîyan ê Herêma Cizîrî de pakrewanê Hemleyê Gurzê Şaran ardî vîr û dîyar kerdî ke xoverdayîşê Efrînî metodê xoverdayîşî pêro dinya rê îspat kerd û vat "Ganî ma nê tarîxî bipawê û bîyarê vîr.”

 

Eşkerayîye de ame vatiş dişmin Efrîn û kulturê ci bi hawayêke kerd hedef û dîyar kerd ke uca de amancê dewleta tirke pê nêameyî. Seba ke Efrîn de xoverdayîşêk pîl pê ame û “metodê xoverdayîşî heme dinya rê îsbat kerd” û nêzdîyê 2 aşman do xoverdayîş dewam kerd.

 

Heto bîn de eşkerayîye de ame vatiş ke eynî tarîxî de dagirkerîye bi rayîrê palanê xo yê hemverê zîndanê Sînaa Hewl da Hesekê dagir bikera û newe ra xîlfetê DAIŞî biagêrna. La wesîleya xoverdayîşê şarê herême û hêzê aye no plan ser nêkewt û şehîdê Gurzê Şaran bîr ard. 

 

Keyeyê Êzidîyan eşkerayîya xo de dîyar kerd ke hemverê nê sucan û na roja tarîxî ke parlementoya Ewropayî jenosîd û qirkerdişê Şingalî hemverê êzidîyan de hetê rêxistina DAIŞî ra pê ame şinasna. Aye vera ganî tesîrê nê sucî bêro wedarnayîş, newe ra Şingal bêro awankerdiş û koçberê ci tepîya agêrî.

 

Peynîya eşkerayîye de ame vatiş ke ganî no tarîx bêro bîrardiş ke bibo şahidê serkewtişî. No zî projeyê demokratîke yê Rayrîberîya Xoserî ya Vakur û Rojhelatê Sûrîye yo.