ANQARA - Vera tecrîdê serê Rayberê PKKyî Abdullah Ocalanî Wekîlê HDPyî roja 22ine de Nobeta Edaletî rê dewam kenê.

 

Vera tecrîdê serê Rayberê PKKyî Abdullah Ocalanî Wekîlê Partîya Demokratîke ya Şaran (HDP) roja 22ine de Nobeta Edaletî rê dewam kenê. Wekîlî Gulîstan Kiliç Koçyîgît, Mahmut Togrul, Omer Ocalan, Zeynel Ozen, Dîlan Dîrayet Taşdemîr, Celadet Gaydalî, Zuleyha Gulûm û Kemal Pekoz beşdarê nobete bîyî. Çalakîye de dovîzê ‘Wa Îmrali huqûq bikewo dewre’ û ‘Tecrîd sucê merdimîye yo’ ameyî berzkerdiş. Eşkerayî vernîya Meclîsî de ameye dayîş.

 

Çalakîye de wekîlê HDPyî yê Riha Omer Ocalanî nameyê wekîlan ser o eşkerayîye wende û vat: “Ganî Wezîrîya Edaletî eşkerayîyêke bida û derheqê tepişteyanê Îmraliyî de agahîyan bida. Îmrali de qanûnî nênê caardene, destûr nêdîyeno pêvînayîşan. Eke dewlete dewletêk huqûqî ba, dewletêk ke bi qanûnan bêra rayraberdiş, huqûq tede bibo, eke qanûn biî, qet şik çino ke ganî no qanûn her ca de bikewo dewre. Ganî qanûnî goreyê şexsan nêrî caardene. La biewnêne Birêz Ocalan û sewbîna tepîşteyî Omer Hayrî Konar, Veysî Aktaş û Hamîlî Yildirimî ke Îmrali de yenê tepiştiş ra 22 aşmîyo xeber nîna girewtiş.”

 

Omerî sewbîna da zanayîş ke îqtîdarê AKP-MHPyî wazeno pê tecrîdî ser bikewo û dewam kerd: “Îqtîdarê AKP-MHPyî wazeno pê tecrîdî ser bikewo. Ma 22 rojî yo vera tecrîdî nobete de yê. Waştişê ma meşrû û qanûnî yê. Ganî Wezîrê Edaletî cewab bido muracatanê ma. Ma sey keye û avûkatan wazenê şorê Îmraliyî û pêvînayîşan bikerê. Ganî her kes na raştîye bizano. Ma venga AKPyî danê ke qanûnan bîyaro ca. Seba ney zî ma do têkoşînê xo rê dewam bikerê. Ma do nêverdê tecrîdê Îmraliyî pêro welatî esîr bikero. Ganî Wezîrê Edaletî” eşkerayî bido. Ge-ge tecrîd ameyêne girankerdiş la 22 aşmîyo ke tena yew pêvînayîşêk kilm yê bi telefonî ameyo kerdiş. O zî goreyê mevzuatan nêbî. Îmrali de telefon ameyo cakerdiş û pêvînayîşê 4-5 deqeyan ame birnayîş. Ma wazenê rewşa Ocalanî rayaumûmî reyde bêra parekerdiş. Vano : ‘Na mesela meseleyêk sîyasî ya, meseleye huqûqî ya û ganî bi lez avûkatî bêrî tîya.’ Pêvînayîş de bi kilmê wina ameyo vatiş ; ‘Dewlete şaşî kena, ganî kesek nêbo hemkarê nê sucî.’ Ma sey keyeyî her hewte muracat kenî. La çi heyfo ke muracatî bênetîce manenî. Tu muxatabêk ma çinî yo. Erenî ya zî neyînî tu cewabêk nêdîyeno ma. 25ê adara 2021î de keyeyî kerdî ke şêrî Qesra Edaletî ya Riha.”

 

Omer eşkerayîye de muracatê seba pêvînayîşî yê hemserekanê pêroyî yê HDPyî û parlementeran ard vîr û wina dewam kerd: “Temamîya muracatan bênetîce verdayî. Faşîzmê AKP-MHPyî sîstemê huqûqî yê nê welatî serubin kerd. Qanûnan xo gore virazenî û ercnenî. Kêfîyet û bêhuqûqîyêk gird esto. Qet şik çino ke wazenê na rewşe girê bidî problemê kurd. Eleqeya na rewşe bi problemê kurdî esta.  Hayîya ma bi dejanê ke bi seran o ancîyeno ra esta. Ma û şarê ma ferqê şarê 40 serrî de yî. Bi hezaran dewî ameyî vengkerdiş, wirdî hetan ra bi hezaran kesî dinyaya xo bedelnayî. Partîya ma kişta nê çîyî de ya ke na mesela bi rayîr û raybazanê demokratîkan yena çareserkerdiş. Seba nê çîyî têkoşîn û adresê çareserîye mojneno hukmatî. Çareserkerdişê nê problemî Washingtonê, Amerîka, Rûsya ya zî kombîyayîşê Soçîyî nîyo. Çareserî operasyonanê hemparan yê welatanê cîranan de nîya. Muxatabê nê problemi dîyar o. Vînîbîyayîê girdi virazîyenî

 

‘Serê merdişî de sîyaset kenê’

 

Omer Ocalanî dîyar kerd ke îqtîdarê AKP-MHPyî sîyasetê xo serê merdişan keno û ercnayîşan kerd: “Ganî seba çareserî game bêra eştiş. Mabêne serranê 2013-2015ine de dewlete demêk pêvînayîş kerd. Heyetê ke partîya ma zî hetêkê ci bi ame awankerdiş û nê heyetan Îmraliyî bi Birêz Ocalanî reyde pêvînayîş kerdî. Şexsê MÎT û Musteşarîyê Asayîşê Îstîmlakî şîyî Îmraliyî. La werte de hukmatêk esto ke nê çîyan çin hesibnenê. Wazenê ke ma pêvînayîşê mabêne serrê 2009-2015ine ê Osloyî û pêvînayîşê mabêne 2013-2015ine de çin bihesibnê. Pêwa ke xeylêk problemî estbî zî mabêne serranê 2013-2015ine de tu kes nêame kiştiş. Ma zî kîşte nê de yê. Ma çareserî, demokrasî û azadî pawenê. Bêşik ma huqûqê Birêz Ocalanî zî pawenê.”

 

'Ma venga Wezîrê Edaletî kenê’

 

arlamenter Omerî qiseykerdişê xo wina qedêna: “Çira qanûnê bîyayeyî bica nêanê? Keyeyî çira nêeşkenê şêrê pêvînayîş? Avûkatî çira nêeşkenê şêrê serdayîşan? AKP seba pawitişê îqtîdarê xo hewl dano her çî bikero binê kontrolê xo. Ma wazenê nêzdîbîyayîşêk cidî yê dewlete bibo. Waştişê nê zî yeno kerdiş û têkoşînêk yeno dayîş. Sebebê Nobeta Edaletî ya parlamenterê HDPyî zî no yo. Ganî na çarçewa de pêşnîyazan seba AKPyî keno. Waştişê ma waştişê meşrû û qanûnî yê. Ma paweyê lutfê kesêk nîyê. Ma vanê ke mewzûatê nê welatî de çi bibo wa bibo bi ci kenê. Venga ma seba Wezaretê Edaletî esto; Wezaretê Edaletî sey sazgeh bêhiqûqî û heme netîceyê negatîf yê Îmraliyî do vejîyê werte berpirsyar o. Wezîrê Edaletî Bekir Bozdag nê ra berpirsyar o ke cewabê muracatê ma bido. Do têkoşînê ma seba nê dewam bikero. Ma do destûr nêdê ke tecrîdê Îmraliyî temamê komelî esîr bigîro.”