AMED - Kaybazê Tîmê Cinîyan ê Amedsporî dîyar kerd ke nika xebatê înan kenê û hewteyêk muhîm de yê û vatî: "Dimayê 7 serran ra dima, yewine rey ma sey Tîmê Futbolî yê Cinîyan ê Amedsporî cayêk zaf weş ê. Hedefê ma rêza çarine nîya, hedefê ma rêza yewine ya."

 

Tîmê Futbolî yê Cinîyan ê Amedsporî yê Koma B yê Lîgê Superî yê Cinîyan ê Federasyonê Futbolî yê Tirkîya (TFF) de têkoşîn keno, pêwa heme tedayan têkoşînê xo dewam keno. Kaybazê tîmî ke her bajarî de bi hêrişê nîjadperestî reyde ameyî rî bi rî, seba lîgê şampiyonî çi destê înan ra yeno kenê û dîyar kerdî ke do pêro hukmê vernî zî bişikinê."

 

'Hedefê ma rêza yewine ya'

Kaptana Tîmê Futbolî ya Cinîyan ê Amedsporî Guzîde Alçu da zanayîş ke 14 serrî yo Amedsporî de kay kena û qalê xebatanê na hewteyî kerd. Guzîdeye wina vat: "2009ine ra heta nika Tîmê Futbulî yê Cinîyan ê Amedsporî esto. 2009ine ra heta nika ma netîceyê başî bi dest kerdî. No hewte ma prosesêk antremanî yê pirrî derbaz kenê. Ma nika rêza 4ine de yê. La hedefê oyo ke ma vejîyê rêza yewine."

 

‘Nê zorê ma nêbenê'

 

Guzîdeye dîyar kerd, her tîmê yeno weş pêşwazî kenê û vat: "Ma sey Amedsporî, seba tîmê şarî yê, ma her tim meymanperwer ê. Ma hewl danê merdiman nêdejnê. La çi heyf demo ke ma şinê deplasman, ma wina nînê pêşwazîkerdiş. La nê zorê ma nêbenê. Amedspor rûmet û serberzîyêk pîl o. Şeref o. Seba ez binê banê Amedsporî de xeylêk serberz a û kêfweş a."

 

'Ez xo zaf bi şans vînena'

 

Zehra Acara kaybaza Tîmê Futbolî ya Amedsporî ya ard ziwan ke 4 serrî verê ameya Amed û Amedsporî de ca girewta û wina qedêna: "Ez 2019ine de ameya Amed. Mi Amedsporî de kay kerd. Dima ra transferê Cizîr, Antalyayî bîya. 2020î de reyna ameya Amedsporî. Seba agêraya nê tîmî xo xeylêk bi şans hîs kena. Hewteyêko karê ma zêde yo. Tempo girano. Ma şuxulênê. Raqîbê ma do Tîmê Kîreçburnu yê Stenbolî bo. Ma xo seba maçê xo amade kenê."