STENBOL - Ma Musîcî Stenbol de bi beşdarbîyayîşê hezaran kesan konserêk pê ard. Hunermendê Ma Musicî ke bi eleqeyêk zêde yê beşdarvanan vejîya sahne ser deyîranê xo dîyarîyê şexsê Jîna Emînîye û pêro cinîyanê xoverdayoxan kerd.

 

Ma Musicî ke merkeze ci Amed o û xebatanê kulturî rayra beno, Anqara ra dima Stenbol de zî konserêk bi coş pê ard. Konsero ke Merkezê Kulturî yê Bariş Mançoyî yê qezaya Avcilarî de ame viraştiş de hezaran kesî arê bîyî. Hunermendê Ma Musicî ke bi eleqeyêk zêde yê beşdarvanan vejîya sahne ser deyîranê xo dîyarîyê şexsê Jîna Emînîye û pêro cinîyanê xoverdayoxan kerd.

 

Hunermendan deyîranê hunermendanê kurdan yê sey Erdewan Zaxoyî, Eyaz Yusif, Meruf, Reşîdê Cindî, Alî Baran, Îsa Berwarî, Şukrî Rêkanî û Radyoya Erîwanî vatî. Beşdarvanê konseri zî pê çepik û tilîlîyan coş dayî konserî. 

 

'Şima çend wayîr bivejîyî do muzîk û kultur hende aver şêrî’

 

Peynîya konserî de Ma Musîcî ra Şêrko Kanîwarî qiseykerdişêk kilm kerd û nê çîyan vat: “Pêro kesê ke ked dayî rê spasîyan kena. 6 serrî verê cû ma Amed de soz da şarî; çî beno wa bibo ma do nê domanan bêmuzîk nêverdî. Tena domanî nê ma vat ke ma do keyeyê domanan zî bêmuzîk nêverdî. Şima çend wayîr bivejîyî do muzîk û kultur hende aver şêrî.”