ANQARA  - Wekîlanê HDPyî Nobeta Edaletî de vat: ''Tecrîdo ke Îmrali de dest pêkerd, ma pêroyînan rê yeno ferzkerdene. Ganî ma pîya vera tecrîdî wurzê we.''

 

Nobeta Edaletî ya wekîlanê HDPyî roja 24ine de dewam kena. Wekîlî Şevîn Coşkun, Gulîstan Kiliç Koçyîgît, Murat Sarisaç, Kemal Pekoz, Murat Çepnî, Hasan Ozguneş, Nusrettîn Maçîn, Îmam Taşçier, Alî Kenanoglu, Erdal Aydenîz, Muazzeze Orhan, Dilşat Canbaz Kaya, Zuleyha Gulum, Celadet Gaydali tewrê nobete bîyî.

 

‘Îmraliyî de şexsê Birêz Ocalanî de tecrîdêk giran esto’

 

Dilşat Canbaz Kaya nameyê wekîlan ser o eşkerayîye daye û vat: ''Çira ma 24 rojî yo bi israrî ne nobete rê dewam kenê? Çunke ma zanenê ke heqê merdiman û azadîye goreyê sîyasetî û kesan nêvurîyenê. Ma wazenê ke wa Ocalan bieşko keye û avûkatanê xo bivîno. Îmrali de şexsê Birêz Ocalanî de tecrîdêko giran est o. ''Tecrîdo ke Îmrali de dest pêkerd, ma pêroyînan rê yeno ferzkerdene. Ganî ma pîya vera tecrîdî wurzê we. Ma venga pêro cinîyan, ciwanan, elewîyan, karkeran û bindestan danê ke wa vera tecrîdî têbigêrê. Wa destûr bêro dayene ke Birêz Ocalan bieşko keye û avûkatanê xo bivîno.”

 

Dilşate veng daye cinîyan, ciwanan, Eelwîyan, karkeran, bindestan û heme kesî ke hemverê tecîrdê Îmraliyî de biwirzî payan ser û wina vat: “No tecrîd hemverê heme şarî de yo û vilayê pêroyê welatî bîyo. Ma talebanê xo dibare kenî. Wa destur bêro dayîş ke Birêz Ocalan bieşko keye û avûkatanê xo bivîno û reyde pêvînayîş pê bîyaro.”