RIHA - Keyeyê Şenyaşarî çalakîya 'Nobeta Edaletî' ya roja 688ine de nê mesajî pare kerd: “Nobeta ma ya edaletî ya paytextê turîzmî yê dinyaya Îslamî de roja 688ine de bi qerarî dewam kena.”

 

Merdim û pawitoxê Parlamenterê AKPyî yê Rihayî Îbrahîm Halîl Yildiz 14ê hezîrana serra 2018ine de Pirsûsê Rihayî de hêrişê keyeyê Şenyaşarî kerd. Netîceyê hêrişî de mêrde û di lajê Emîne Şenyaşare ameyî qetilkerdiş. Emîne Şenyaşar û lajê aye Ferît Şenyaşar ke bi birîndarî qirkerdiş ra xelas bîbî, 9ê adara serra 2021ine de vernîya Edliyeyê Rihayî de dest bi çalakîya Nobeta Edaletî kerdebî. Çalakîya keyeyî roja 688ine de dewam kerd. Emîne û Ferît Şenyaşar ke saetê serê sibayî de Pirsûsî ameyî verê Edliyeyê Rihayî de pankartê “Edaletî” akerdî û dest bi nobete kerdî.

 

Keyeyî serê hesabê xo yê medyaya dîjîtale de komelê Waliyê Rihayî Salîh Ayhan etîket kerd û vat: “Nobeta ma ya edaletî ya paytextê turîzmî yê dinyaya Îslamî de roja 688ine de biqerar dewam kena. Walî Salîh Ayhan berê akerde bi hemwelatijan reyde kom beno. La hema cewabê waştişê ma yê pêvînayîşî nêdayo. Walî, mebêne şarî de cîyabîyayîş nêkero.”