Rojda Aydin

 

AMED - Avûkate Emma Persîchettîya ke mîyanê Delegasyonê Mîyanneteweyî yê Hemverê Tecrîdî de ca gêna dîyar kerd ke pêvînayîşan de mae dîyîş ke CPTyî de bêbawerîyêk esto û vat: “Ganî CPT hemverê nê caardişan de bêveng nêmano, gaman bierzo. Peynîkerdişê tecrîdî seba têkoşînê Têgêrayîşê Kurdî sembolêk o.”

 

12 kesê ke Delegasyonê Mîyanneteweyî yê Hemverê Tecrîdî ke 36 kesanê 7 welatan pê yeno, mabenê 25-27ê çeleyî de Amed de pêvînayîşêk pê ardbî. Heyeto ke 12 kesan ra pê ameyêne vizêr bi avukat û keyeyê Rayberê PKKyî Abdullah Ocalanî Veysî Aktaş û Omer Hayrî Konarî reyde pêvînayîş pê ardî. Pêvînayîşê heyetî do ewro zî dewam bikero. Pêvînayîşê ke vizêr pê ameyî de tecrîd ame mukaqaşakerdiş û keyeyî bale antî bêvengîya CPTyî ser.

 

Avûkate Emma Persîchettîya ke Romaye ra ameya û mîyanê heyetî de ca gêna ajansê ma rê qisey kerd.

 

‘Tecrîdo girankerde ma sey binpaykerdişê heqanê merdiman vînenî’

 

Emmaye da zanayîş ke aye rêxistinê Îtalyayîra beşdar bîya û vat ke zîyaretê kekenî de prosesî xeylê baş çiman ver de gênî û çîyê ke bala îna ancenî ser de do rapor hadre bikerî. Emmaye ard ziwan ke ê tecrîdî sey binpaykerdişê heqanê merdiman vînenî û dîyar kerd ke înan çarçeweya Mehkemaya Heqanê Merdiman ya Ewropa de na rewşe ercnenî. Emmaye wina vat: “Seba tecrîdî heta nika tu muracatî nêameyî kerdiş. La ma do prosesî nizdî ra taqîp bikerî. Ma nika hewl danî ke prosesî fehm bikerî û sewbîna ma do şopdarê ci bibî. Ma na rewşe sey binpaykerdişê heqan yê giranî vînenî. La ma na bawerî de yî ke Ewropa ferqê rewşe de yo. Tirkîya ewro qeraranê Mehkemaya Heqanê Merdiman ya Ewropa pê nêana û na rewşe zî çarçeweya binpaykerdişê heqanê merdiman de ercnenî.”

 

‘Ganî CPT gaman bierzo’

 

Emmaye da zanayîş ke zîyaretê ke kerdî de keyeyî bi taybetî bale antî bêbawerîya hemverê CPTyî û wina dewam kerd: “Ganî CPTyî hemverê bêbawerîya xo de gaman bierzo. Ganî ma çîyê ke ganî perspektîfê mîyanneteweyîye de bêrî munaqaşakerdiş bikerî. Wedarnayîşê tecrîdê Girava Îmraliyî seba ma xeylê muhîm o. Peynîkerdişê tecrîdî seba têkoşînê têgêrayîşê Kurdî sembolo.”

 

‘Ma do mîyanê yewîye de bî’

 

Emmaye qiseykerdişê xo de bale ant zîyaretê xo yê Amedî ser û wina vat: “Çiqas destê mara bêro ma do mîyanê yewîye de bibî û seba nê çîyîbixebetî. Ma seba fehmkerdişî tîya de yî ke wexto ke şêrî welatê xo sebanEe çîyî bieşkî se bikerî. Bado ke ma agêrayî welatê xo do xebatê ma dwam bikerî.”

 

‘Xebatê me do dewam bikerî’

 

Emmayepaynîya qiseykerdişêxo de vat ke ê do şopdarê na rewşe bî û wina qedênaye: “Wexto ke ma biagêrî welatê xo ma do xebatanê xo dewam bikerî. Ma do bi taybetî bale biancî tecrîdî ser û na babete ser de xebatanê xo rayra bibî. Ma do welatê xo de zî bêhuqûqîyan bîyarî ziwan ser. Coka ra ezxeylê kêfweşa ke ewro tîya de ya û dezgehan reyde pêvînayîş pê ana. Umudê ma no yo ke ma tîya de demek weş derbaz bikerî. Elbet xebatê ma yê derheqê na babete dewam bikerî.”