AMED - Roza Tuma da zanayîş ke ganî tutî cayê ke tede pîlî xebetîyenî de nêrî xebetnayîş û raşteyê ke eşkenê cuya xo dewam bikerî de ca bigêrî. Roza Tumaye dîyar kerd ke xebatê hişmendîkerdişî yenê rayraberdiş la seba tutan cayo ke tutî tede bicuyî raşte çinî yo. Rozaye veng daye ke na babete de ganî hîna zedê hîssin bêro têgêrayîş.”

 

Roza Tumaye dazanayîş ke xebetnayîşê karkerê tutan qanûnî nîyo û cayê ke tutî tede îlegal yenê xebetnayîş de xeylê heqî yene binpaykerdiş. Roza Tumaye ard ziwan ke xebatê hişmendîkerdişî yenê rayraberdiş la seba tutan cayo ke tutî tede bicuyî raşte çinî yo. Rozaye veng daye ke ganî na babete de hîna zede hîssin bêro têgêrayîş.

 

‘Mi hewl da hişmendîye awan bikera’

 

Aktîvîsta ke seba tutan xebetîyena Roza Tumaye vat ke ameyox de amacê înan no yo ke nizdîbîyayîşê komel û tutan hemverê înan de tay boz î bibedelnî û wina dewamkerd: “Seba ke komel pê çimanê karkerî ewnîyeno tutan û tutî zî xo sey pîlan vînenî na rewşe merdiman bêzar kena. Her çîyî ra ver tutî ganî tutî bimanî. Pê materyalanê ke destê înan de esto mi zî hewl da ke pê fotografan bimojna komelî. Mi hewl da ke hişmendîye awan bikera.”

‘Problemanê ekonomîye vera yene şuxulnayîş’

 

Rozaye dewamê qiseykerdişê xo de ard ziwan ke xeylê hetê Tirkîya problemanê ekonomîye cuyenî û keyeyî zî coka ra tutî xo danî xebetnayîş. Çimkî qezencê înan mird nêkeno. Xebetnayîşê tutî qanûnî nîyo. Cayê ke tutî tede îlegal yenê şuxulnayîş de xeylê binpaykerdişê heqan yenê cuyayîş. Wayîrvejîyayîş, atarbîyayîş, şekle xebatî. Saetan yene şuxulnayîş. Nizdîbîyayîşê patronan. Tutî bi nê probleman reyde rî bi rî manenî. No zî beno sebebê têkşîyayîşê xobawerîye.”

 

‘Seba tutan raşteyan akerêne’

 

Rozaye qiseykerdişê xo wina peynî kerd: “Şuxulnayîşê tutan qanûnî nîyo. Problemêk gird o. Ganî ma tutî nêdî şuxulnayîş. Her kes vano la na babete de xebatêk nîna kerdiş. Ma wazenê ke tutî wa tutî bibî. Hişmendî wa bêro awankerdiş. Ganî ma tutan rê raşteyê ke eşkenê tede bimanî awan bikerî û akerî.”