ANQARA - Wekîlanê HDPyî Nobeta Edaletî de vat: “Ma zanenê ke teyna Îmraliyî ra demokrasî û haştîye do bêrê Rojhelatê Mîyanênî. Eke tecrîd bêro wedaritene şar do bieşko aram bibo.” 

 

Wekîlê HDPyî vera tecrîdê serê Rayberê PKKyî Abdullah Ocalanî roja 28. de Nobeta Edaletî rê dewam kenê. Wekîlê HDPyî Kemal Pekoz, Mûazzeze Orhan, Abdullah Koç, Ayşe Surucu û Erdal Aydemîr beşdarê nobete bîyî.

 

Abdullah Koçî nameyê wekîlan ser o qisey kerd û vat: “Qedexeyê pêvînayîşê avûkatan qerarêko keyfî yo. Îmrali de Qanûno Bingeyî nêno caardene. No tecrîd wextêkê dergî ra nata vera sîyasetê Tirkîya yeno caardene. Şarê Tirkîya mîyanê krîzan de yê. Seba ke tecrîd bêro wedaritene ma 28 rojî yo venga Wezîrîya Edaletî û hukmatî danê û muracatan kenê. Çi hewfo ke 24 aşmî yo Tirkîya de destur nêdîyeno ke birêz Ocalan û tepişteyanê bînan reyde pêvînayîş bêro kerdiş. Tirkîya de nuqtayê Desturê Bingeyîn nînê caardiş. Eke tecrîd bêro wedaritene komelê Tirkîya zî do aver şoror. Ma zanenê ke teyna Îmraliyî ra demokrasî û haştîye do bêrê Rojhelatê Mîyanênî. Eke tecrîd bêro wedaritene şar do bieşko aram bibo. Ma wazenê wa avûkatî şorê Zîndanê Îmraliyî û Birêz Ocalanî de pêvînayîşî bikerê.

 

'Tecrîd astengkerdişê tewr gird yê vernîuya demokrasîye yo’

 

Şarê Tirkîyaye mîyanê pêkewtişê ekonomî û şerî de yî. Nika prosesê weçînayîşî dwam keno. Çi heyfo ke her ke nizdîyê weçînayîşî beno welat hîna zêde keweno kriz mîyan. Astengîya tewr gird ya vernîya demokratîkbîyayîşî tecrîdêÎmraliyî yo. pê wedaritişê tecrîdî do şarê Tirkîya nefesêk asan bigêro. Coka ra ma Koma HDPyî reya 28an ke veng dane Wezîrîya Edalet û Hukmatî û vanê ke qanûnê bîyaye nînê caardiş û ma muracatêk cîya nêwazwnî. Tena talebê ma no yo ke wa bi birêz Ocalan û tepişteyanê bînan yê Îmraliyî reyde goreyê Makeqanûn û qanûnan pêvînayîş bêro kerdiş.

 

Ma demanê verênan de zî dî ke wexto ke astengîyê vernîya Îmraliyî raşte ra wedarîyenê komelê Tirkîya aver şino. Bi raştî zî rayîrê xoresnayîşê demokrasiye ya ke nika xetimîyayo biameyêne akerdiş. Ma wazenê vajî ke astengîya tewr gird yê vernîya komelê Tirkîya, demokrasî û aştîye tecrîdê Îmraliyî yo.

 

Ma wazenê ke vayê demokrasi û aştîye ke di bêro Rojhelato Mîyanenî eşkeno Îmraliyî ra bêro. Ganî bi lez fek nê caardişanê neheq û bêqanûnîyan ra bêro veradayîş. Ma wazenê ke birêz Ocalan û tepişteyê bînî yê ke 2 serrî yo destur nîno dayîş ke bi keye û avûkatanê xo reyde Îmraliyî de pêvînayîş pê bîyarî, bi avukat û keyeyanê xo reyde pêvînayîş pê bîyarî.”