MERKEZÊ XEBERAN - Tecrîdê giran yê serê Rayberê PKKyî Abdullah Ocalanî dewam keno. Qezaya Zirganî de kampanyaya arêdayîşê îmzeyan ê seba wedaritişê tecrîdê serê Abdullah Ocalan dest pêkerd. Qezaya Dirbêsiyî zî kampanyaya dewam kena.

 

Qezaya Zirganî ya kantonê Hesekî kampanyaya arêdayîşê îmzeyan ê seba wedaritişê tecrîdê serê Rayberê PKKyî Abdullah Ocalan û eşkerakerdişê rewşa ci ya weşîye dest pêkerd. Qezaya Dirbêsiyî ya eynî kantonê zî kampanyaya ke 25ê nê Çeleyî dest pêkerd, dewam keno.

 

Kampanyaya arêdayîşê îmzeyan bi hemkariya komîn û meclisê her di qezayan rayra bena.

 

Însiyatîfê Şarî yê Vakur û Rojhelatê Sûrîye bi koordîneyê Însiyatîfê Sûrîye yê Rayberê PKKyî Abdullah Ocalan rê Azadî 22yê Çeleyê kampanyaya arêdayîşê îmzeyan seba wedaritişê tecrîdê serê Abdullah Ocalan û caardişê azadîya ci ya fîzîkî neql kerd.

 

Yeno pawitiş ke kampanya heta 15ê Sibate (Serrgera 24ine ê Komployê Mîyanneteweyî) dewam bikero.

 

Kampanyaya arêdayîşê îmzeyan Qamişlo, Tirbespiyê, Çilaxa, Til Birak û Til Temirî de dewam kena. Yeno pawitiş ke ewro herêmê bînî yê Vakur û Rojhelatê Sûrîye dest pêbikero.