STENBOL - Roniştişê dewaya muxabîra ma Rozerîn Gultekîne ame taloqkerdiş.

 

Derheqê mmuxabîra ma Rozerîn Gultekîn de bi sebebê “Hemverê qanûnê rayîr ra şîyayîş û çalakîye vejîyaya” dewa ameye akerdiş. 1ine roniştişê dewa do Buroyê 58ine Dadgeha Cezaya Aslîye ya Edlîyeyê Stenbolî de ame vînayîş. Rozerîne û avûkat Sercan Kormaz roniştiş de amade bi. Sewbîna endamê Platformê Rojnamegeranê Cinîyan ê Mezopotamyayî (MKGP) seba paştdayîşî tewrê roniştişî bî.

 

Roniştiş de dimayê tespîtê nasnameyan dest bi îfadeyan ame kerdiş. Avûkat Sercan, dîyar kerd ke wazenê dadgeha esasî de pawitiş bikerê. Roniştiş dimayê pawitişî ame taloqkerdiş.