AMED - Dewa Kalburcu ya Semsûrî de zerrîwazê erdlerzî û dewijan xo resna ajansê Mezopotamyayî û dîyar kerdî ke tu hetkarî nêresaya dewanê Bûlam û Çêlikan û neql kerdî ke cenazeyê ke binê xirbeyan ra yenê vetiş, hetê vergan ra yenê werdiş.

 

Dewa Kalburcu ya ke serê Semsûr de xisarêk pîl ci de virazyayo, zerrîwazê erdlerzî û dewijan xo resna ajansê ma û neql kerdî ke hetkarîya şarî û yê AFADî nêresayê dewanê bajarokê Bulamî û qezaya Çêlikan û cenazeyê ke binê xirbeyan ra yenê vetiş, hetê vergan ra yenê werdiş. Dewa Kalburcu de kesî dinyaya xo nêbedelnayo la welatijî şert û mercê zorî de ciwîyenê û hetkarî înan rê nêşîya. Dewijê Kalburcuyî û zerrîwazê erdlerzî ke resayî herêma Bûlamî û Çêlikan neql kerdî welatijê ke binê xirbeyan de yenê vetiş, serdî ra mirenê û cenazeyî hetê vergan ra yenê werdiş. Welatijêk dewa Kalburcuyî ke kamera rê qisey kerd wina vat: “Kes nêeşkeno xo biresno dewanê koyan. Rayîrî padaye yê. Kerrayî kewtê serê rayîrî û vewre rayîrî rê ameya padayîş. Cenazeyê binê xirbeyan ameyê vetiş, vergan berdê.”