Melîke Aydin

 

ÎZMÎR - Aktîvîsta TJAyî Funda Akbulut bebekê ke bi destê xo viraştê roşena û seba tutanê herêma erdlerzî mama û potê tutan gêna.

 

Dimayê ke erdlerzo ke merkezê ci Mereş bi û tesîr serê 10 bajaran de kerd, seferberîya paştdayîşî û hetkarî ame destpêkerdiş. Welatîjî bi îmkanê xo hetkarîya xo resnenê herêma erdlerzî. Aktîvîsta Tevgerê Cinîyan ê Azadan  (TJA) û îdarekarîya Partîya Demokratîke ya Şaran (HDP) ya Îzmîrî Funda Akbulut  zî bi îmkananê xo hewl dana paştdayîş bido. Funda ke bi destan pêkayanê amîgurumî viraznena, roşena û bi nê pereyî tutanê herêma erdlerzî rê mama û potanê tutan gêna.

 

‘Tewr zêde tutî tesîr benê’

 

Fundaye da zanayîş ke hem wareyê herême û hem zî kesê ke verê ekrananê televîzyonî de travma cuyayê û erdlerzzede bêawe û ceyran ê, dewlete hetkarî nêşirawena û înan mexdur kena. Funda wina dewam kerd: “Na rewşe de tutî tewr zêde tesîr benê. Ez nê pêkayan seba înan viraznena. Wa her kes nê pêkeyan bigîro û ma bexşê nê tutan bikerê. Kêmî bo zî ez wazena bibî hetkar. No destê mi ra yeno.”

 

‘Na travma wina asan nîna derbazkerdiş’

 

Funda peynîya qiseykerdişê xo de da zanayîş ke her kes bi hawayêk eşkeno hetkarî bido tutanê herêma erdlerzî û ganî taybetî cinî na babete de berpirsyarî bigîrê. Funda wina peynî kerd: “Tutî binê xirbeyan de nêmanê zî xeylêk bi tesîr bîyê. No het ra ganî şêrê psîkiyatrîstan. Ganî yewîneyî bêrê awankerdiş. Na travma wina asan nîyo. Binê xirbeyan ra tutî ameyî vetiş. Serebûtê vînîbîyayîşê tutan yenê ciwîyayîş. Gelo tutê ke bê keye mendê senîn ameyê tespîtkerdiş. Lez û bez vatî yurdan de bêrê bicakerdiş. Gelo wazenê nê tutan asîmîle bikerê.”