Melîke Aydin

 

ÎZMÎR - Endama MYK HDPyî Îdîl Ugurlu dîyar kerd ke paradîgmayê Rayberê PKKyî Abdullah Ocalanî seba şaran rayîrê vejîyayîşê Hîrên Şerê Dinya vejîyayîşî mojneno û ganî Abdullah Ocalan bi şaran reyde bêro têhet.

 

Serê komploya mîyanneteweyî ya 15ê Sibata 1999ine hemverê Rayberê PKKyî Abdullah Ocalanî de pê ameya, 24 serrî derbaz bî. Bi 24 aşmî yo agahî Raybere PKKyî Abdullah Ocalanî ra nîna girewtiş. Dayîka Aştîye Medîne Kaymaze derheqê tecrîdî de dîyar kerd ke Abdullah Ocalan seba azadîya şarê kurdî têkoşîn keno, şarê kurdî paştdayîş dano. Eynî wextî de Endama MYKyî ya Partîya Demokratîke ya Şaran (HDP) Îdîl Ugurlu da zanayîş ke Abdullah Ocalan paradîgmayê hîrêne şerê dinya vejîya mojna yo û seba nê ganî tecrîdê serê ci bêro şikinayîş û şaran reyde bêro têhet.

 

‘Seba şaran seba aştîye têkoşîn kerd’

 

Dayîka Aştîye Medîne Kaymaze qisey kerd û da zanayîş ke Abdullah Ocalan seba zirar nêreso şarê Kurdistanî, seba aştîye têkoşîn kerdo û hemwelatî zî paştdayîş danê. Medîneye wina vat: “Seba aştîye şi Îtalya la dewletan ey teslîmê Tirkîya kerdî. Demo ke ardî Tirkîya seba kes xê nêresno, berdî merkezê behrî. La merdimî nêeşkenê uca de bêrê hepskerdiş. Kes nêeşkeno şêro û bêro. Cayêk 6 metre kare de maneno. Ciwanan seba azadîya ey adir veradayî bedenê xo.”

 

‘Seba tersenê beran anêkenê’

 

Medîneye dewam de wina vat: “Demo ke Abdullah Ocalanî ardî Tirkîya Bayram Kaymaz bedenê xo dabi adir ver. Serê waştişê ey de 2009ine de verê ci Şeyhmus Poyroz, Cumalî Karsu, Hakki Alan û Hasbî Aydemîr şirawitî Îmraliyî. Nika Bayram Kaymaz zîndanê Tîpê Fyê Tekîrdagî de yo. Demo ke Bayram Îmraliyî de bi ma 5 serran nêeşkayîne pêvînayîş bikerdêne. Îqtîdar seba şerî ra qezenc keno aştî pê nêano. Labelê wa bêro zanayîş ke heta ke Abdullah Ocalan azad nêbo do şer dewam bikero, do mergî bibê û tu kes azad nêbo. Seba nê ganî tecrîd bêro şikinayîş û Ocalan azad bibo.”

 

‘Paradîgmaya Abdullah Ocalanî zî binê tecrîdî de yo'

 

Endama HDP MYKyî Îdîl Ugurluye zî da zanayîş ke kitabê Adolf Hîtlerî ke nîjadperestîye muqate keno, yenê rotiş la nuşteyê Abdullah Ocalanî yenê qedexekerdiş û seba ke vera kapîtalîzmî yî wina kenê. Îdîle qiseykerdişê xo wina dewam kerde: "Paradîgmaya Birêz Abdullah Ocalanî seba heme şaran, xoverdayoxê cinîyan bena cewab. Coka ra zî yenê qedexekerdiş. Paradîgmaya Birêz Abdullah Ocalanî rayîrê vejîyayîşî yê krîzî ra mojnenê. Coka ra zî hem na paradîgma hem zî yê ke na paradîgmaye pawenê rê teda yena kerdiş."

 

'Ganî tecrîd bêro peynîkerdiş'

 

Îdîle tewr peynî vat ke dengeyê mîyanneteweyî ver bi bedelnayîşî yo û çîyo ke tena o eşkeno komelan şerê hîrine ra bixelesno Abdullah Ocalan û paradîgmaya ci yo û wina qiseykerdişê xo peynî kerd: "Serrgêra komployî de hemverê Rojawan û Kobanê de hêrişî estî. Rojawan paradîgmaya Birêz Abdullah Ocalanî kerdo dewre û hêzê awankarî veto raşte. Coka ra zî hêrişê hemverê Rojawanî hêrişê hemverê paradîgmaye yî. Seba çareserkerdişê probleman ganî sere de problemê Kurdî bêro qebulkerdiş.”