Melek Avci

 

ANQARA - Nuştox û Aktîvîste Rahîla Guptaye derheqê serrgêra komployê mîyanneteweyîye de wina vat: "Muttefîkê  Tirkîyaye ABD û Îsraîl fikirîyayî ke bi tepiştişê Ocalanî do têkoşînê merdimîye û edaletî yê kurdan peynî bibo. La bado ke 24 serrî derbaz bî têgêrayîş hîna xurt bî. Dewletê ke Ocalanî tecrîd kerdî nêresayî amacê xo."

 

Komployê Mîyanneteweyîye yê serê Rayberê PKKyî Abdullah Ocalanî keweno 25 serrî ya Xo. 15ê Sibata 1999î de Abdullah Ocalan Balyozxaneyê Kenyaya Yewnanîstanî ra ame remnayîş û teslîmê Tirkîya ame kerdiş. Mîyanê Komployê Mîyanneteweyîye de xeylê dewletî cayê xo girewtî. Cinîyî hema zî adiro ke Ocalanî tafînabî berz kenî û ganî verdenî.

 

Nuştox û Aktîvîste Rahîla Guptaye derheqê serrgêra komployê mîyanneteweyîye de ercnayîşan kerd.

 

'Her çend ken24 serrî derbaz bîyo zî adiro ke ameyo tafînayîş hema zî ganî yo'

 

Rahîlaye da zanayîş ke bi komployê mîyanneteweyî têkoşînê şarê Kurdî çinî nêbî û wina vat: "Muttefîkê Tirkîyaye ABD û Îsraîl fikirîyayî ke bi tepiştişê Ocalanî do têkoşînê merdimîye û edaletî yê kurdan peynî bibo. 24 serrî derbaz bî, la têgêrayîş hîna xurt bî. Dewletê ke Ocalanî tecrîd kerdî nêresayî amacê xo. Cinî û camêrdî haletê têkoşînî ganî verdayî.  Şorişê Cinîyan yê Rojawanî dest pê kerd. Coka ra nê dewletî bi tepiştişan ser nêkewtî. Helbet tepiştişê Ocalanî seba têgêrayîşî derbêk gird bî, coka ra bedenê ci do seba têgêrayîşî bibo moralêk gird."

 

'Dewlete hetê têkoşînê şarê kurdî de dirîtî kena '

 

Rahîlaye bale ante komployê mîyanneteweyî ke ABD sere ant û wina vat: "Na hemleya ABDyî dirîtî ya. Na dewlete heqanê mediman reyde zêde eleqedar nêbena. Vanê ke ma demokratî la welatanê sewbînan de no zaf eleqedar nêkeno. Çi heyfo ke hetê têgêrayîşê kurdî denher çend ke cayê hîsgerîye bibo zî Tirkîya hetê jeopolîtîkî ra wayîrê rolêk muhîm o. Erdogan zî xo bi krîzî miqate keno. Hêrişê Rusyaye yê vera Ukraynaye de zî reyna seke aştîye paweno xo mojna. Na rewşera hêz girewt û no hêzê ci virazîya ke waştiş bikero ke Swêd ya zî Fînlandîya eşkenê NATOye de ca bigêrî ya nê. Çek nêrotêne Tirkîya la bi no hawa mecbur mendêne ke çekan biroşî Tirkîya û koçberanê kurdan yê sîyasîyan teslîmê Tirkîya bikerî. Ma zanê ke Tirkîya zî heme kurdanê têkoşeran sey 'terorîs'î îlan kerd. Tirkîya eynî wextî de  koçberan ra pere wazena. La nê kesî polîtîkayanê înan vera bîyî koçber."

 

'Ganî Tirkîya bêra boykotkerdiş û biba dewletêk parya'

 

Rahîlaye ard ziwan ke ganî Tirkîya zilmê serê Abdullah Ocalanî vera bêra boykotkerdiş û wina dewam kerde: "Ganî Tirkîya zî sey Afrîkaya Başurî biba dewletêk parya. Ekonomîya  Tirkîyaye baş nîya û coka ra seba ke Tirkîya nê zilm û tecrîdî ra fek vera bida ganî bêra boykotkerdiş. Ganî hewldayîşê kesê ke kampanyayan virazenî û aktîvîstî no bibo ke Tirkîya biaçarnî dewletêk parya. Ganî ma dewletê ke Tirkîya reyde mîyanê têkilîye de yî bişermnî. Dezgehê mîyanneteweyî zî bi hewldayîşanê kêmî vanê ke ma hemverê îşkenceyî vejîyenê. La kam vejîyeno. Aye wext manaya vatişê 'ma îşkenceyî pawenî ' nêmaneno. CPTyî raporê xo yê peynî eşkera nêkerd. Sewbîna tu ferqê Tirkîya û Îranî yewbînan ra çinî yî."

 

'Ganî çalakîyê tesîrin pê bêrî'

 

Rahîlaye dîyar kerd ke heta ke raştîya jeopolîtîkî û ekonomîye yê herême nêbedelîyo do Tirkîya goşdarîya vatişan nêkera û wina dewam kerd: "Seba ke ez beşê hetkarîye de ya, tay çîyî seba Birêz Abdullah Ocalanî kerd ke ma xo baş hîs bikerî. La heta ke raştîya jeopolîtîkî û ekonomîye yê herême nêbedelîyo ma do nêeşkî vatiş bi Tirkîya bidî qebulkerdiş. CPT mird nêkeno. Vengê peynîardişê tecrîdî mird nêkeno, coka ra zî ganî çalakîyê bi tesîrin pê bêrî. Weçînayîşê vernîya Tirkîyaye do bibo sebebê xeylê bedelnayîşan ya zî do şarê Tirkîyaye bikewî binê tesîrê rejîmê dîktatorî. Ganî merdim vera nê nizdîbîyayîşî vindero û çalakîyêk raşt pê bîyaro."