AMED - Hemverê vaykerdişê kîrayê banan ê Amedî bi sloganê "Vayîya kîra rê nê’ kampanya ameye destpêkerdiş.

 

Dimayê erdlerzê ke merkezê ci Mereş bi virazya, vayîya kîrayê keyeyan zî xeylêk bajaran de ame zêdekerdiş. Reaksîyon û nêrazîbîyayîşê hemverê vayîya kîrayê banan zêde bî. Hetê Heyetê Îdarekarîya Komeleya Merdiman ê Karsazê Meslegî yê Amedî (DÎSÎAD) venga hîsgêrî kerd. Derheqê babete de zî kampanyaya bi sloganê, "Vaykerdişê kîra rê nê” ame destpêkerdiş.

 

Serekê DÎSÎADî Nûrûllah Edemen derheqê babete de vat: “Seranserê welatî de lazimî bi paştdayîşî esto. Nê rojan ke xemê ma giran o û benê şahidê rijnayîşêk pîl, hîn averşîyayîşê negatîfan ma red kenê û tesdîq nêkenê qewimyenê. Demo ke ma nê averşîyayîşanê negatîfan eşnawenê, ma tewr zêde xemgîn benê. Bi taybetî Mêrsîn û Amed de wayîrê banan bi vayîyêk zêde bananê xo danê kîra. Ma nînan eşnawenê û reyan zî benê şahid. Roja ewil ê erdlerzî ra ma bi Platformê Pawitişê Bajar û Paştdayîşî yê Amedî reyde dest bi xebate kerd û ma hewl danê ke probleman çareser bikerê. 

 

Ma hewl danê ke birînanê şarê xo bipişnê, hîn kesî dimayê ma ra wazenê şarê ma bişêlênê. Wayîrê banan ke kesê lazimîyê înan bi banan esto, vayîya zaf zêde wazenê. Demo ke ma nê eşnawenê û vînenê mudaxileyê nê çî kenê.

 

Ma hemverê vaykerdişê kîrayan de kampanya da destpêkerdiş. Ma venga şarê xo kenê; ma do kampanyaya ‘Vaykerdişê kîra rê nê’ danê destpêkerdiş. Ma welatijanê xo ra rica kenê ke paştdayîş bidê na kampanyaya ma.”