STENBOL - Tepişteya nêweşe Hazîne Alçiya ke bi protezî cuyena û 24 serrî yo ke tepişte ya ajansê ma rê mesajêk şirawite û vat ke ganî peynîya polîtîkayanê tecrîdî bêra. 

 

Hazîne Alçiya qezaya Hezexî ya Şirnexî ra ya û tepişteya PKKyî ya. Hazîne 1999î de wexto ke 25 serrî bîya Ermenîstanî ra teslîmê Tirkîya ameya kerdiş. Goreyê dayeyanê ÎHDyî Hazîneye tepişteyê nêweşî yê giranan ra yew a. Hazîneya ke 49 serrî ya prosesê tepiştişî de raştê xeylê binpaykerdişan ameya. Hazîneye pê protezî cuyena û Zîndanê Cinîyan yê Bakirkoyî de manena. Hazîneya ke pê çekî birîndar bîye û lingê xo aye de xisar virazîya, çonkê aye ra heta kulîmekê aye parçe bî û pê platînî cuyena. Hazîneye nizdîyê 18 serrî yo ke pê platînî cuyena. Aşma cotmehê 2009 de Nêweşxaneyê Cigêrayîşî yê Samatyaye de protez ameye bedelnayîş. Hazîneye dîyar kerd ke no protez maneno îskeleyê înşaatî û her çar hetê protezî de mixî estî. Hazîneye vat ke ganî protezî goreyê raybazan bêrî kontrolkerdiş.  La timî yeno astengkerdiş. Sewbîna Dezgehê Tibê Edlîye zî seba Hazîyene eşkena zîndan de tepişte bumana da.

 

Hazîneye pê gopale eşena payan ser de bimana û 10ê Çeleyê 2022î de mesajêk bi hemkarîya avûkatanê xo ajansê ma rê şirawite û vat: "Kalîteya protezî hende xirabo ke tede mîx, têl û her çî esto. Çi heyfo ke şertan vera dermankerdişê mi zî nîno kerdiş. Nêweşxaneyo ke mi amelîyat kerd vat ke ma nêeşkenê amelîyat bikerî, ti do mase de bimana. Eke ti bimana zî ti do nêeşka payanê xo ser de bimana. Coka ra ez di gopalan xebetnena. Vera înan reyna zî raporê eşkena zîndan de bimana dayî mi."

 

Hazîneye prosesê pandemîyî de tena serê xo 14 rojan hucre de manena û aye nêbenê nêweşxane. Hazîneye dîyar kerd ke seba ke odeye de lavaboya alaturka estbî xeylê probleman cuyaya. 

 

Cezaya hucreye!

 

Keyeyê Hazîneye hewteyo peynî yê aşma çeleyî de şî pêvînayîş û Hazîneye mesajêk ajansê ma rê şirawite. Keyeyê aye dîyar kerd ke Hazîneye ne yena dermankerdiş ne zî benê nêweşxane. Keyeyê aye vat: "Dejberdêk daxî nêdanî. Dejê aye estî. Pê gopale gêrena. Vera înan reyna zî têkoşînê cuye dana. Seba ke Hazeneye vata 'weşîya mi reyde eleqedar nêbenê' yew hewte cezaya hucreyî dayî aye."

 

Têkoşînê aye dewam keno

 

Keyeyê aye da zanayîş ke kalorîferê zîndanî serranê 1980an ra mendî. Pêro zeng bîyî û wina dewam kerd: "Tepişteyî hem germ nêbenî hem zî pê betanîyan mîyanê cayê xo de ronişenê. Seba ke Hazîneye sewqê Nêweşxaneyê Cigêrayîşî yê Hasekê bêra kerdiş wastişname mehkema rê şirawite û wina vat: "Seba Hazîneye bêra verdayîş û dermankerdiş ma waştişname nuşte. La qebul nêkerdî. Werdê tepişteyan xeylê xirab î. Baş nînê ewnîyayiş. Porsîyonê înan şenik î. Kantîn ra xo rê zetun û peynîr herînenê. Ma Hazîneye rê telîkê ortopedîkî girewt la qebul nêkerdî. Her çî kantîn ra herînenê."

 

Keyeyê Hazîneye ard ziwan ke 24 serrî yo ke Hazîneye bajar bi bajar yena surgunkerdiş û wina qeynî ard: "Hazîneye seba ke vera bêhuqûqîyan de pê siloganan rewşe protesto kerd cezaya pêvînayîşî girewt. Gardîyana vatî ke ceza ameya dayîş û nêverdayî ma şêrî. Hewteyo verên badê 4 serran aye berdî Nêweşxaneyê Hasekî. Doktorî vatî ganî amelîyat biba la rîstin o."

 

Mesajê Hazîneye

 

Mesajê Hazîneye, bi hemkarîya keyeyê xo waştişanê xo ajansê ma rê şirawite û veng kerd ke wa heqê dermankerdişî bidîyo heme tepişteyan û peynîya polîtîkayanê tecrîdî bêra.