STENBOL - 45 sazgeh û dezgehê ke mîyan de rêxistinê heqê merdiman, weşîye û huqûqî esto, veng da ke qurbanîyê herêmê erdlerzî goreyê rêzgirewtiş û adetê komelî bêrê nimitiş. Ame vatiş ke ganî bi rêzdarî nêzdîyê cenazeyan bibo.

 

Averşîyayîşê erdlerzî dewam kenê. 45 sazgeh û dezgehê ke mîyan de rêxistinê heqê merdiman, weşîye û huqûqî estê, derheqê qurbanîyê ke bêrê şûtiş, kefenkerdiş û bi komî yenê nimitiş, eşkerîyaye dayî.

 

Merdeyî bi komî yenê nimitiş

 

Eşkarîyeye de ame dîyarkerdiş ke erdlerzî de dinyaya xo bedelnayî û qurbanîyê binê xirbeyan de ameyî vetiş, înan rê ezîyet yeno kerdiş û wina ame vatiş: “Merdimê qurbanîyan cenazeyê xo bi îmkanê xo benê dozgerîye û mecbûr manenê ke tesdîqkerdişî bikerê. Cenazeyî goreyê hawayê haysiyetê merdimî nînê pawitiş, erd de yenê verdayîş. Xirbeyî rew yenê wedaritiş û no zî zirar dano bedenê ke binê xirbeyan de mendê û rayîr ver bi xirakerdişê bedenî akeno. Cenazeyê qurbanîyê ke binê xirbeyan ra yenê vetiş, yenê pişnayîş yan zî bi komî yenê nimitiş.”

 

‘Ganî bi rêzdarî nêzdîyê cenazeyan bibê’

 

Eşkerayîye de ame dîyarkerdiş ke hema xebatê lezgînî dewam kenê la xebatê wedarnayîşê xirbeyan dest pêkerd û wina vat:” Lazim o bi hawayêkê rêzgirewtişî nêzdîyê cenazeyanê qurbanîyan bibê. Ganî goreyê metod û adetê komelî cenazeyê her kesî teslîmê keye û merdimanê înan bêro kerdiş. Ma wazenê her kes paştdayîş bido nê waştişê ma. Ma venga hukmatî zî kenê ke na babete de berpirsiyarê xo bica bîyaro û çîyo lazim bikero.”

 

45 sazgehê ke metnî îmza kerdê

 

Nameyê sazgeh û dezgehê ke metnê eşkerayîye îmza kerdê wina yo: “Înîsiyatîfê Merdan rê Rêzgirewtiş û Edaletî (OSAÎ), Komeleya Heqê Merdiman (ÎHD), Odaya Doktoranê Amedî, Weqfê Cigêrayîşê Komel û Huqûqî (TOHAV), Merkezê Hafiza û Edaletî, Komeleya Hetkarî û Paştdayîşî yê Merdimanê Xo Dergûşê Medenetiyan de Vînî Kerdê (MEBYA-DER), Komeleya Hetkarî û Paştdayîşî yê Merdimanê Xo Vînî Kerdî yê Anatoliyî (ANYAKAY-DER), Komeleya Psîkolojî Seba Paştdayîşê Komelî (TODAP), Avûkatê Demokratî yê Azadîwazî (ODAV), Komeleya Huqûqnasê Seba Azadîye (OHD), Komeleya Huqûqnasê Hemdem (ÇHD), Komeleya Resnayîşê Heqê Awankerdişê Adilî (AYHED), Komeleya Cigêrayîşê Heqîqetî yê Çapemenî û Huqûqî, Komeleya Elewîyan ê Demokratîk (DAD), Federasyonê Alevî Bektaşî (ABF), Konfederasyonê Yewîyê Elewiyan ê Ewropayî (AABK), Federasyona Komeleyê Elewiyan (ADFE), Komeleyê Kulturî yê Elewîyan (AKD), Komeleyê Kulturî yê Pîr Sûltan Abdalî (PSA), Weqfê Kulturî yê Haci Bektaşî Velî yê Anatoliyî, Federasyonê Demokratîke yê Elewîyan (FEDA), Konfederasyonê Yewîye Elewî yê Almanya (AABK), Federasyonê Yewîya Elewî yê Avusturyayî (AABF), Federasyonê Komeleyê Demokratîke yê Mereşî (MARDEF), Komeleya Paştdayîşê Komelî yê Tîlkîliler ê Almanya (Mereş), Tevgerê Newe ra Awankerdiş û Cayê ci yê Cuye yê Mereşî, Heqê Merdimayî yê Cinîyan (KÎH), Komeleya Çareserîye Newe, Komeleya Demê Cinîyan, Kaos-GL, Komeleya Keyeyê Keskekorê Anqarayî, (GALADER), Komîsyonê Heqê LGBTİ+ a Baroyê Amedî, Komeleya Paştdayîşê Cuya Pembe LGBTİ+, Înîsiyatîfê Ma Wazenê Pîya Biciwîyê, Komeleya Heqî yê Sûrîye, Komeleya Komeleya Sûrîye, Pirda Şaran, Yewîya Seba Demokrasî (DÎB), Forûmê Asayîşê Komelî û Heqê Merdiman, Komeleyê Rojhelat-Başûrrojhelat (DGD), Hewldayîşê 78ine, Komeleya 17 Mayis, Komeleya Averşîyayîşî û Kulturî (KAYY-DER), Komeleya Hetkarîya ya Dewa Guneşlik, Xorxol, Çewlig, Înîsiyatîfê Psîkologê Mezopotamyayî (Der–Mez), Komeleya Paştdayîşî yê Komelê Kultur û Perwerdeyê Gungoren. (Gun-Der)