Medya Uren

 

AMED - Hemsereka Heyva Sor aKurd Eva Alî Qartmînîye derheqê astengkerdişê hetkarîyê ke seba herêma erdlerzî yê Vakur û Rojhelatê Sûrîye yenê arêdayîş de qisey kerd û vat: “Lazimîyê şarî yê ewilîn yê seyderman, kon û şitê domanan ameyî arêdayîş la Minbic de ame astengkerdiş.”

 

Erdlerzo ke 6ê Sibate de merkecê ci qezaya Bazarcixî ya Mereş û Dîlok bî Vakur û Rojhelatê Sûrîye de zî zêde tesir viraşt. Heyva Sor a Kurdistanî bi îmkananê xo hewl dano ke roja yewine ra nata hetkarî bido mexduranê erdlerzî. La lazimîyê ewilîn yê ke ameyî arêdayîş hetê rejîmê Sûrîye ra Minbic de ameyî vindarnayîş. Hemsereka Heyva Sor a Kurdistanî Eva Alî Qartmînîye derheqê babate de ajansê ma rê qisey kerd.

 

‘Ma hêzanê xo cayo ke erdlerz qewimîya de arê da’

 

Evaye da zanayîş ke înan hêzanê xo cayo ke erdlerz qewimîya de arê dayî û wina dest bi qiseykerdişê xo kerd: “Hema ma nêeşkenê qala humara kesê ke dinyaya xo bedelnayî û kesê ke birîndar bîyî bikerî. Hema hûmare bellî nîya. Çîyê eşkerakerde destê ma de çinî yî. Hema xeylê tenî binê xirban de yî. Roja yewine ya erdlerzî ra nata û senî ke ma rewşe musayî, ma rewşa îstîsnayî îlan kerd. Ma ambulansanê xo heme şirawit raşteyanê erdlerzî. Hemwelatîyî kewtbî mîyanê xofî. Şert û mercê huşkî yê hewayî estbî û ma hewl da ke seba kesê ke teber de mendî zî deste xo derg bikerî. Ma konan akerd. Dêrikî ra heta Minbicî hêzê ma kom bîyî. Şehba û Şêx Mexsûdî de zî embazê ma yê kedkarê weşîye seba mudaxaleya tibî kewtî dewre.

 

‘Hetkarî yenê astengkerdiş’

 

Eva bale ant serê hetkarîyê ke yenê arêdayîş û astengkerdişê înan. Eva wia ci de şî: “Pêwa Heyva Sor pêameyê sey Îdarekarîya Xoser ke yew bi yew ma mîyanê têkiliyî de yê, esto. Bi nê metodan ma hetkarî arê danê. Ma hewl da ma heme lazimîyê şarî bidê. Labelê lazimîyê sereyîn sey derman, konî, betanî, şitê tutan û lazimîyê cuye estbî. La çi heyf ke tirê ke înan girewtêne, Minbic de ameyî vindarnayîş. Hukmatê Sûrîye destûrê derbazkerdişê înan nêdano. Rewşêka wina îstîsnaî de zî heme hêzê mîyanneteweyî bêveng ê. Ma bi hêzê şîrîk hewl danê ke nê lazimîyan derbaz bikerê. La çi heyf heta nika tu hetkarî derbaz nêbîya. Yan mexdûriyetê kesê ke erdlerzî ra tesîr bîyê nêame derbazkerdiş.”

 

‘Bernameyê ma amade yê’ 

 

Eva tewr peyîn wina vat: “Heta nika di meeber ameyê akerdiş. La çi heyf  herdi zî meeberê resenê rejîmê Sûrîye yê. Hetê Vakur û Rojhelatê Sûrîye ke zêdeyêr tesîr bîyo tu meeber nêameyo akerdiş û hetkarê nêresaya. Nika komên me yên alîkariyê yên ji herêma Cizîrê hatine jî hene. Me hêza xwe daye aliyên erdh ma yê û hetê ke koçberî ci de kom bîyê. Seba ke herêmê Şehba û Şêx Mexsûdî zêdeyêrî koç berî estê. Ma hetkarîya tibî kenê. Heta lazimîyê sey derman yenê. Eke hetkarîya ma derbaz bibê ma do tewr zêde bieşkê mûdaxele bikerê. Bernameyê ma amade yê. Ma do hewl bidê pêro lazimîyî înan pêşwazî bikerê.”