Şehrîban Aslan

 

MELETÎ - Dewa Mihaciran ke erdlerzî ra zirarêk pîl dî, sey herêmanê bînan rijnayîşêk gird virazya. Medîne Babura ke dewe de manena, dîyar kerd ke seba konî nêdayê înan konê ke verê heywanî ci de mendêne, manenê.

 

Dimayê erdlerzê merkezê ci Mereş bi û tesîrêk pîl serê 11 bajaran de kerd, bi hezaran kesî merdî û bi hezaran awanî rijyayî. Yew nê cayan ra zî dewa Mihaciran ê qezaya Wêranşarî ya Meletî bî. La dewe hetê dewlete ra terkê qedera xo ameye kerdiş. 

 

Medîne Babura ke dewa Mihaciran de ya dîyar kerd ke demo erdlerz virazyayo selahîyetdarî 10 rojî dima ameyê dewe.

 

Şar ame hetkarîya ma

 

 

Medîne nê çî vat: “Ma bi kedêke pîl keyeyî viraştî. Ma  20 serrî şî mişmişan û ma nê keyeyî viraşt. 4 lajê mi estê. Ez mêrde û tutê xo pîya şuxulîyayî. Ma şî teberê bajarî de şuxulyayî. Erdlerz virazya keyeyî rijyayî. Keda ma ya 20 serran şî. Demo ke erdlerz virazîya ma xo bi zor eşt teber. Ma tutan kerd wesayîtan. Ma nêzdîyê 130 kesî konê ke verê heywanî ci de mendêne, mendî. Ma pêro dewijî kewtî konêke. Ez verê keyeyî nêkewena xeylêk canî şî. Kes nêame dewe ma. Şarê ma reyna xo resna ma. Konê ma şar o keso bîn çin o. Ma konê heywanan de manenê. Ma hewl dabê biciwîyê.”

 

‘Tîya ra nêşîya’ 

 

Medîne dîyar kerd ke ê kesê ke dinyaya xo bedelnayê xo vîr ra nêkenê û wina qedêna: “Rewşa ma her ke şina zehmet bena. Mi bûke, torn û hîrê lajê xo şirawit Îzmîr. Dimayê ke rewşe baş biba do bêrê. Nika mumkin nîyo. Tena HDP û CHPyî hetkarî şirawit. La xeylê xo AFADî dest dayî ser. Ez tîya ra nêşîya. Keyeyê ma zirar dîyo. La seba vewre nêasayîne. Vatî do reyna bêrê. Lazimîya ma bi awe û konî esto. Ma wazenê ekîbê weşîye bêrê. Wa vengê ma bieşnawê.”