RIHA - Nobeda Edaletî ya Emîne û Ferît Şenyaşar roja 707ine de dewam kena. Nobete de ame vatiş: "Ma do verê edlîye ra nêşêrê."

 

Merdim û pawitoxê Parlamenterê AKPyî yê Rihayî Îbrahîm Halîl Yildiz 14ê Hezîrana 2018ine de qezaya Pirsûsî yê Rihayî de hêrişê keyeyê Şenyaşarî kerd. Netîceyê hêrişî de mêrde û di lajê Emîne Şenyaşare ameyî qetilkerdiş. Nê ser de Emîne Şenyaşar û lajê ci Ferît Şenyaşar 9ê Adara 2021 de vernîya Edliyeyê Rihayî de dest bi çalakîya Nobeta Edaletî kerdî. Çalakîya keyeyê Şenyaşarî roja  707ine de dewam kena. Emîne û Ferît Şenyaşar ewro serê sibayî Pirsûs ra ameyî vernîya Edlîyeyê Rihayî û dest bi Nobeta Edaletî kerdî. Çalakî de pankartê bi nuşteyê “Edalet” akerdî.

 

'Tu heqê selahîyedarê dewlete çin o ke xo reaksîyonê şarî ra bêzar bikerê'

 

Ferît Şenyaşarî çalakî de qisey kerd û dîyar kerd ke nêzdîyê 2 serrî yo çalakîya înan ê Nobeta Edaletî dewam kena. Bi domdarî Ferîtî nê çî vat: "Mîyanê nê her di serran de ma her roje verê edlîye de hewarê edaletî kerd. Dimayê erdlerzî, no hewar her cayê welatî de zimeno. Her roje polîs û dozgerî verê ma ra derbaz benê ê zî nê hewarê ma eşnawenê. tewr peyîn zî welatê ma de erdlerzêk pîl ame meydan. Seba ke awanî saxlem nêameyê viraştiş, rayîr ver bi felaketêk pîlî akerd. Nika zî her ca de hewarê 'dewlete ça de ya' zimeno. Ganî îstîdar nê reaksîyonan ra hêrs nêbo. deverê hewara ‘dewlet li ku ye’ olan dide. Nê ke do felaketêk bîn rî bido. Tu heqê selahîyetdarê dewlete çin o ke xo reaksîyonê şarî ra bêzar bikerê."

 

Bi domdarî Ferîtî dîyar kerd ke dewaya înan dewaya heqîqetî ya ûû qiseykerdişê xo wina qedêna: “Bi milyonan kesî dewaya ma taqîb kenê. Pêwa ke heqîqet vejîya werte zî dozgerî wezîfeyê xo bi ca nêardo. Heta edalet pê yeno û birayê mi bêro veradayîş, ma do çalakîya xo ya Nobeta Edaletî dewam bikerê."