MERKEZÊ XEBERAN - Dewleta Tirke merkezê Şengalî de hêrişêk hewayî kerd. Asayîşê Êzidxanî derheqê hêrişê hewayî de eşkerayîyêke da û ame dîyarkerdiş ke netîceyê hêrişî de Îdarekarîya Asayîşê Êzidxanî Şerzad Şemo Qasim ameyo qetilkerdiş.

 

Dewleta Tirke merkezê Şengalî de hêrişêk hewayî kerd. Asayîşê Êzidxanî derheqê hêrişê hewayî de eşkerayîyêke da. Asayîşî neql kerd ke hêriş plansazîyê dewleta Tirke û PDKyî yo û netîce de hemrayê înan ê Îdarekarîya Asayîşê Êzidxanî Şerzad Şemo Qasim ameyo qetilkerdiş.

 

Eşkerayîye wina ya:

 

“Ewro saete 11.30î de merkezê Şengalî de hemverê wesayîtêkê Asayîşê Êzidxanî hêrişêk ame kerdiş. Nê hêrişî de hemrayê ma, Îdarekarîyê Asayîşê Êzidxanî Şerzad Şemo Qasim şehîd bi.

 

Derheqê nê hêrişî de ma do şarê xo rê agahîyê hîra şarê xo rê û rayaumumî rê pare bikerê. La ma zanê no hêriş plansazîyê dewleta Tirke ya îşxalkere û PDKyî yo ke bi destê xayîn û xorotan pê ameyo.

 

Ma sere de keyeyê embazê xo Şerzad û pêro şarê xo rê sersaxî wazenê. Ma vanê seba pawitişê şarê ma, seba pawitişê Êzidxanî çi bedel ma ra bêro waştiş ma do her tewir bidê.

 

Ma venga şarê xo û pêameyê Şengalî zî kenê ke hemverê nê hêrişanê qirkerdeyan de wayîrê qerar û helwestêk xurt bibê. Dişminîyê Ezdatîyî wazenê fermanê serê komelê ma de dewam bikerê. Ma reyke bîn zî neql kenê ke Asayîşê Êzîdxanî pawitoxê şarê xo yo û ma do îradeyê şarê xo, îradeyê Şengalo xoser û azad teslîmê kesî nêkerê.