Gulîstan Dursun - Dîlan Babat

 

DÎLOK - Hala Cazî ya ke Sûrîye ra ya û 10 serrî verê cû Sûrîye ra şer vera tewrê keyeyê xo ameya Islahîye ya Dîlokî, erdlerz de keyeyê aye rijîyayo û tewrê 4 doman û mêrdeyê xo yê astengdar kono ke seba demêk dîyaya aye de manena. Hala dîyar kerd ke aye waştişê konî kerda û aye rê vajîyayo ‘Ti Sûrîye ra ya, şo Sûrîye’.

 

Erdlerzo ke 6ê Sibate de Mereş de qewimîya 11 bajaran girewt binê tesîrê xo û bî sebebê mergê deshezaran kesan. Bîlançoya erdlerzî her ke şina giran bena. Erdlerz de sehezar kesî birîndar bîyî û sehezaran kesî zî bêwayîr mendî. Seba ke dewlete rija yewine de hetkarî nêşirawite herêma erdlerzî reaksîyonê girdî vejîyayî û na rewşe bî sebebê bi hezara mergan.

 

Hetkarîye de daxî nijadperestîye kenî 

 

Qezaya Islahîye ya Dîlokî ke erdlerzî ra tesîrêk giran girewtbî û her cayê ci de rijîyayîş pê ameyî temamî wêran bî. Hemwelatîyê Sûrîye yê ke 10 serrî ra ver şerê mîyanenê yê Sûrîye ra vere xo dayî Hatay û dima ra zî koçê Islahîye kerdî zehmetîya erdlerzî di reyna zêdeyêr vînenê. Hemwelatîyê Sûrîye dîyar kerdî ke lazimîya înan bi konan, kinc û werdî esta la lazimîyê înan nînê caardene û na rewşe erdlerzî de hîna zêde ameya peygoşkerdiş.

 

Kono ke seba demêk ameyo dayîş de cuyenê

 

Hala Caizîya ke şarê Sûrîye ra ya û keyeyê aye erdlerzî de rijîyayo bi hetkarîya cîrananê xo hewl dana îdareyê xo bikera. Halaya ke bêeşkena hetkarîya ke dewlete vila kena ra fêde bigêra kono ke dewlete seba demêk daya de zehmetîyan reyde rî bi rî manena.

 

To rê kon çinî yo! 

 

Halaya ke mêrde û çar domananê xo reyde kono ke seba demêk cîrananê xo ra girewta de manena û cîranê aye hetkarîya aye kenî wina vat: “Ez şîya kişta keya û mi kon waşt. Ewja de kon estbî û mi dîyêne la keya mi rê vat ‘Şima Sûrîye ra yî, seba şima kon çinî yo û şêrêne Sûrîye’. Sewbîna vera hende tedayan nizdîyê yew aşmî ya ke erdlerzî ra ser derbaz bîya ez bi hetkarîya cîranan îdareyê xo kena û tu hetkarî hema nêdîyayo mi.”