NAVENDA NÛÇEYAN - Kongra Star, bi eşkerayîyêke nuşteyî Delal Azîzoglu yad kerd û vat: "Qijan reyde qij, pîlan reyde pîl bî. Bi hewara cinîyê Şengalî reyde şî, bi hewara cinîyê Rojawanî de ameye. Aye zerrî dabî welatê xo, aye sembolê yewîye û welatparwere bî.”

 

Kongra Star, bi eşkerayîyêke nuşteyî yew raybera Tevgerê Azadîya Cinîyan Delal Azîzoglu ya bi nasnameyê Raperîn Amed ard vîr.

 

Eşkerayîye de ame vatiş:

 

"Nê prosesê şorişê cinîyan ê bi sloganê, ‘Jin jiyan azadî’ û her çar hetê dinya de veng dana, ma sey  Kongra Star bi xemgînî û zerrîdej eşnawit ke Raperîn Amed (Delal Azîzoglû) 17ê hezîrana 2022ine de Herêmê Pawitişî yê Medyayî netîceyê hêrişê dewleta tirke de tewrê karwanê nêmerdayan bîye.

 

Nê şehîdê ma yê ke cesaret û cesaret danê ma, ê yê ke bi gonîya xo ya pîroz herra Kurdistanî awe danê û ma ver bi serkewtişî benê. Bi hezaran cinî rayîrê felsefeyê Rayber û rayberê seserra Rayberê Apo de rayîra şî û ma tarîtî ra ver bi roşnayî berdî. Serê nê bingehî ma zî sey Kongra Star hemray, fermandar, temsîlkarê û nimûneyê cinîya azad Raperîn Amed bi minet û rêzdarî yad kenê û bejnê xo hemverê aye de tewênenê.

 

Şehîd Raperîn koyan û Kurdistan û teberê welat, têkoşînêk bêhempa da rayra berdî û ame vatiş: "Bi hezaran ciwanî perwerde kerdî û seke cinîyêke rayber fermandarî kerd, her tim serê rêça şehîdan rayra şî, bi qijan reyde qij, pîlan reyde pîl bî, bi hewarê cinîyê Şengalî şî, bi hewarê cinîyê Rojawanî de şî. Aye zerrî dabî welatê xo, aye sembolê yewîye û welatperwerê bî, aye sembolê cuya azad bî, aye cuya de her tim aver bî. Aye Edûla serdemî bî, eşqa welatî, şerwana rastîye bî û her tim hemverê tarîtî û nêheqî şer kerdêne.

 

Hemray fermandar Raperîn zerrîya xo serê koyanê Kurdistanî neqiş kerd û ewro nameyê aye bi tîpê zerdîn her çar parçeyê Kurdistanî de yenê nuştiş, bena meşale û rayîrê ma roşn kena, ma rê bena cinî û cuye. Ma do şehîd Raberîne her tim bikerê parçeyêk zerrîya xo û seke bi hezaran şehîdan do zerrîya xo de biniminê û seba cuya xo bikerê meşale û her tim hewil bidê layiqê aye bê.”