MERKEZÊ XEBERAN - Muracatê seba Musabaqaya Resiman ê “Bi çimanê to welat” ê cinîyanê ciwanan ê kurdî ke Ewropa de yê dest pêkerd. Musabaqa de do kolaj û resimê serê eşq û zerrîgiradayîşê welatî bêro qebûlkerdiş.

 

Muracatê seba Musabaqaya Resiman ê “Bi çimanê to welat” Ewropa de ame destpêkerdiş. Komêke cinîyê ciwanî yê kurdî rayberîya musabaqa kenê. Kolaj û resimê serê eşq û zerrîgirêdayeyê welatî eşkenê adresê fermî yê E-Mail (mailto:bicavente.w@proton.me) yê musabaqa rê bêrê şirawitiş, yan zî rîpelê Instagram (bicavente_welat) rê bêrê şirawitiş. Dima ra resimî yê  her şubeyî do hetê jurî ra bêrê weçînayîş. Aşma Nîsane de do pêro berardişî pêşangeheêkê resiman de bêrê pêşkêşkerdiş.

 

Resama kurde Asli Fîlîz, Bêrîvan Dogan û resame Efgan Leîla Moussa jurîde ca gênê. Seba beşdarbîyayîşê musabaqa ganî versîyona dîjîtalî yê resimî, nameyê resimî û agahîyê kesê ke berardiş awan kerdê, bêrê şirawitiş.

 

Komîteya amadekarî wina eşkerayîye da:

 

“Huner rayîr ver bi dinyayêke newe akeno, ver bi dinyaya hîs û dinyaya fehmî akeno. Hîsê cinî wayîrê kûrayîyêkê bêhempa yo. Her kes hîsê xo bi hawayêke cîya îfade keno. Nê wextê ke ma ci de ciwîyenê vengê cinîyê Kurdistanî dano eşnawitiş û vila keno. Cinîya kurde warê leşkerî û kulturî, ziwan û hunerî de pawitoxê Kurdistanî ya! La hema zî Kurdistan çar parçe yo û binê îstîsmar û îşxalkerdişî de yo. Seba nê tewr girîng o ke ma hîsê xo yêê hemverê Kurdistanî neql bikerê û no zî nîşanê hêzê girîng o. Îfadekerdişê zerrîgirêdayeyê bi welatî reyde zî çalakîyêke ya."