STENBOL – Meclîsê Wendekaranê Demokratîkan (DOM) seba paştîdayîşê cinîyanê herêma erdlerzî kampanyaya ‘Rêzila Cuye ya More’ da destpêkerdiş û do 8ê Adare de kişta cinîyan de bê. Endama DOMî Hêvîdar Ozdemîre derheqê babete de qisey kerd û vat ke ê 8ê Adare bi xoverdayîşî pêşwazî kenê.

 

Di erdlerzê ke 6ê Sibate de Mereş de qewimîyayî ra dima texrîbatê girdi virazîyayî. Erdlerzî de bi deshezaran kesî dinyaya xo bedilnayî û bi hezaran awanîyî rijîyayî. Paştîdayîşê şarî yê seba herême dewam keno. Meclîsê Wendekaranê Demokratîkan (DOM) seba paştîdayîşê cinîyanê herêma erdlerzî kampanyaya ‘Rêzila Cuya More’ da destpêkerdiş û do 8ê Adare de herêma erdlerzî de hewl bidê lazimîyê cinîyan ca bîyarê.

 

‘Cinî nêeşkenê lazimîyanê xo peyda bikerê’

 

Hêvîdar Ozdemîre dîyar kerd ke cinîyê herêma erdlerzî hetê peydakerdişê lazimîyanê xo de probleman cuyenê û coka ra zî 8ê Adare ra ver seba peydakerdişê lazimîyanê taybetan yê cinîyan înan kampanyaya ‘Rêzila Cuya More’ dayî dest pêkerdiş. Hêvîdare wina dewam kerd: “Meclîsê Ciwanan yê HDPyî û Meclîsê Wendekaranê Demokratîkan pîya herêma erdlerzî de seba cuyêka newe kampanya da destpêkerdiş. Ma zî na bedilna ‘Rêzila Cuya More’. Ma çarçewaya kampanyaye de amanc kenê ke lazimîyê cinîyan peyda bikerê.” 

 

Do 7ê Adare de bivejîyê rayîr

 

Hêvîdare peynîya qiseykerdişê xo de da zanayîş ke cinîyê herêma erdlerzî tena nîyê û seba nê çîyî zî înan kampanyaya paştîdayîşî dayî destpêkerdiş. Hêvîdare wina peynî kerd: “Kampanya do 8ê Adare de peynî biba la ma do bi kampanyayê cîyayan paştîdayîşê xo dewam bikerê. Ma bi na kampanyaye do 8ê Adare bi xoverdayîş pêşwazî bikerî û paştîdayîş gird bikerê. 7ê Adare de ma do pedê hîjyenî biresinê herême.”