MERKEZÊ XEBERAN - Seba paştdayîşê bi serewedaritişê "Jin, jiyan, azadî" rê klîbêk newe bi nameyê "Min jin im" ame weşanayîş. Klîb hetê Koma Jîna Emînî ra ame amadekerdiş.

 

Seba paştdayîşê bi serewedaritişê ‘Jin, jiyan, azadî’ yê Îran û Rojhelatê Kurdistanî rê, klîbêkê newe bi nameyê "Min jin im" ame weşanayîş. Klîb hetê Koma Jîna Emînî ra ameyo viraştiş.

 

Derheqê klîbî de Çalakîkerê Heqê Cinîyan Bihar Munzur serê hesabê xo yê Facebookî de mesajêk vila kerd û vat: "Ma klîbê bi nameyê "Min jin im" bi koma Jîna Emînî seba paştdayîşê azadîwaşteyê Rojhelatê Kurdistanî û cayê bînî yê Îranî amade kerdo. Sey îdarekara pêroyî mi ci de kar kerdo û çar aşmî yo seba berardişî şuxulênê. Ma nê berardişî Roja Cinîyanê Dinya de weşan kerd."