ANQARA - Tepişteyê sîyasî Figen Yuksekdag û Sebahat Tuncel çarçewaya kampanyaya HDPyî ya  "Ma keyeyan anê têhet” de wayîrê di keyeyan vejîyayî.

 

Merkezê Koordînasyonê Krîzî yê Partîya Demokratîke ya Şaran (HDP) dimayê erdlerzê merkezî yê Mereşî dest bi xebatê paştdayîş kerd. Na çarçewa de kampanyaya HDPyî ya  "Ma keyeyan anê têhet" ame destpêkerdiş. 

 

436 keyeyî ameyî têhet

 

Dimayê erdlerzê vera tengîyê erdlerzeyan kampanya ameye destpêkerdiş û yeno pawitiş ke na kampanya 4 aşman dewam bikero. Kurdistan û Tirkîya de çarçewaya na kampanya de 436 keyeyî ameyî têhet.

 

Sebahate û Fîgene paştdayîş dayî kampanyaya 'Ma keyeyan anê têhet’

 

Tepişteya sîyasîye Figen Yuksekdag ke Zîndanê Kandirayî de yena tepiştiş û Sebahat Tuncela ke Zîndanê Cinîyan ê Sîncanî de yena tepiştiş, çarçewaya kampanyaya HDPyî ya  "Ma keyeyan anê têhet’ wayîrê keyeyan vejîyayî.