ANQARA - Kombîyayîşê DEM Partîye yê Meclisî de semedê 15ê Gulane Roja Ziwanê Kurdkî dowîzê kurdkî ameyî wedaritiş û fotografê Sirri Sureyya Onder ame ronayîş.

 

DEM Partîye komxebata xo ya meclîsî kerd. Kombîyayîş de fotografê Endamê Heyetê Îmraliyî û Serekwekîlê Meclisî Sirri Sureyya Onder ke dinyaya xo bedelnaye, verê kursîya qiseykerdişî de ame bicakerdiş.

 

Sewbîna ameyîşê 15ê Gulane Roja Roşanê Ziwanê Kurdkî dir dowîzê bi lehçeyê kurmancî û zazakî yê ziwanê kurdkî masa ser o ameyî ronayîş.

 

Hemserekê Pêroyî yê DBP’yî Keskîn Bayindir û siyasetmedaro kurd Ahmet Turk zî beşdarê kombîyayîşî bî.

 

Sîyasetmedaran dowîzê bi nuşteyê sey, “Statuya Kurdî, Perwerdeya bi Kurdî”, “Kurdî hebûna me ye”, “Ziwanê mi welatê min o” û “15ê Gulanê Cejna Zimanê Kurdî pîroz be” kerdî destê xo.

 

No hewte Hemserekê Pêroyî yê DEM Partî Tuncer Bakirhan qisey kerd û geşedanê rojeve de erjna.