RIHA - Nobeda Edaletî ya Emîne û Ferît Şenyaşarî dewam kena. Keyeyî vat: “Ma dewaya xo de heqdar ê.”

 

Merdim û pawitoxê parlamenterê AKPyî yê Rihayî Îbrahîm Halîl Yildiz 14ê hezîrana 2018ine de qezaya Pirsûsê Rihayî de hêrişê keyeyê Şenyaşarî kerdî. Netîceyê hêrişî de mêrde û di lajê Emîne Şenyaşare ameyî qetilkerdiş. Emîne Şenyaşar û lajê ci Ferît Şenyaşar 9ê adara 2021ine de verê Edliyeyê Rihayî de dest bi çalakîya Nobeda Edaletî kerdî. Çalakîya keyeyê Şenyaşarî roja 725ine de verê Edliyeyê Rihayî de dewam kena. Emîne û Ferît Şenyaşar serê sibayî de Pirsûs de ameyî verê berê edlîyeyî, pankartê “Seba keyeyê Şenyaşarî edaletî” akerdî û dest bi çalakîye kerdî.

 

‘Ma dewaya xo de heqdar ê’

 

Ferît Şenyaşar çalakîya de vat ke nobeta înan 725 rojan pey xo verdena wina vat: “Ma dewaya xo de heqdar ê û heme kesî zî nê zanê. Serdozgerê dewlete zî, walî zî zano ke ma heqdar ê. Pêwa ke kesê nê qirkerdişî pê ard parlamenterê îqtîdarî yo zî, parlamenterê înan bi xo zî nê qirkerdiş qebûl nêkenê. La hema zî serekkomar nê parlamenterî paweno. Coka dadgehe wezîfeya xo bi ca nêarda. Birayê mi 5 serrî yo hucreyî yewkesî de yeno girewtiş. vebû lê Dimayê 4 serran dewaya qirkerdişî yê nêweşxaneyî abi la hema zî birayê mi hema zî tepişte yo. Seba nê zî nobeta ma edaletî hema zî dewam kena. Waştişê ma edalet o û heta edalet bi ca nêro ma do çalakîya xo dewam bikerê.”