ÎZMÎR - Cinîya bi nameyê H.Ş ya Sûrîyeyîje ke 8 aşmî yo digane ya Meletî de dimayê ke keyeyê înan rijya  koçê Menemenê Îzmîrî kerd û no demêk derg o kontrolê xo nêkerda. H. ke travmayê şerî û erdlerzî cuyaye şertê zehmetin yê cuye de do pitika xo bîyara dinya.

 

Cinîya bi nameyê H.Ş ke seba şerê Sûrîye yê 2018ine de Halep ra koçê Meletî kerdî dimayê travmayê şerî na rey travmayê erdlerzî cuya. 5 keyeyê ke merdimê yewbînanê û 40 kesî yê, keyeyê înan erdlerz de rijîya û seba nê koçê Menemenê Îzmîrî kerdî. 5 keyeyan 4 hebî koçê Îzmîr û Manîsayî kerdî. H. û keyeyê xo zî koçê Menemenî kerdî. Keye bi paştdayîşê HDPyî yê Menemenî de dikanêk veng de ameyî bicakerdiş. H. dimayê aşmêke do pitika xo bîyara dinya. H. û keyeyê xo şertê giran de têkoşînê cuye danê.

 

‘Va konê ma serûbin kerd’

 

H.ye dîyar kerd ke badê erdlerzo ke merkezê ci Mereş bî keyeyê înan yê Meletî rijîyayo û 5 keyeyî koçê Menemenî kerdî û vat: “Keyeyê bînî koçê qezayanê cîyayan yê Îzmîr û Manîsaye kerdî. 4 tutê mi estê. Yewna aşme do tuta bêra dinya. Ma ameyî tîya û kewtî kone. Kone nîya esasê xo de ma pê betanîyan kone viraşt. La va ame û kone ma xerepîya. Dima ra no ca dîya ma. Ma bi hetkarîya cîranan tîya de manenê.” 

 

Kesêk hetkarî nêda ma

 

H.ye tewr peynî vat ke aye Meletî de bi arêdayîşê kaxidan îdareyê xo kerdêne û wina qedêna: “Ma pereye xo wina qezenc kerdêne. Ma tîya de kar nêvînenê. Mêrdeyê mi sere sibayî ra heta şewe kar gêreno. Pereyê ma çin o. Cayêk wina dayî ma. Xeylê kesî ameyî, şaredarî ameye. Tena ewnîyenê nasnameyê ma û şinê. Tu hetkarîyêk çin o. Meletî de erdlerzî ra ver ez şîya doktor. Aye ra dima ez nêşîya. Mi fek kontrolan ra vera da. Lazimîyê ma bi banêk esto. Seba viraştişê werdêk pereye ma çin o. Cîranê ma hetkarîya ma kenê.”